یۆگۆر چێرنیێڤ بۆ رووداو: ئاشتی لە بەرامبەر سازشکردن لەسەر خاکی ئۆکراینا ناکەین

 

 

ئەو بەرپرسە باڵایەی ئۆکراینا جەخت لەوە دەکاتەوە، نابێت ئاشتییەک بەدیبێت کە بە سازشکردن بێت لەسەر خاک لەلایەن ئۆکرایناوە.

 

بە گوتەی چێرنیێڤ، هۆکاری سەرەکیی پێشڕەوییەکانی رووسیا بۆ ''زۆریی هێزی مرۆیی'' و گوێنەدان بە گیانی سەربازەکانیان دەگەڕێتەوە.

 

هەروەها باس لەوەش دەکات، وڵاتەکەی بە کردەوە بەشێکە لە ناتۆ و، تەنیا بڕیارێکی سیاسیی وڵاتانی ئەندام ماوە، بۆئەوەی بە فەرمی بچنە نێو هاوپەیمانێتییەکەوە.

 

 

 

یۆگۆر چێرنیێڤ: سڵاو. 

 

 

یۆگۆر چێرنیێڤ: سوپاس بۆ بانگهێشتەکەتان. 

 

 

یۆگۆر چێرنیێڤ: بەڵێ، ئەمە نەخشەی ئۆکراینایە بە نەریت و فەرهەنگە جیاوازەکانی ناوچەکانەوە.

 

 

یۆگۆر چێرنیێڤ: راستییەکەی، دۆخەکە گەلێک سەختە، چونکە رووسیا ئێستا پەلامار دەدات، پێموایە گوشارەکانیان بۆ سەر بەرەکانی جەنگ زیاتر کردووە. بەڵام ناتوانم بڵێم کە ئەمە تێکشکانی بەرەکانی پێشەوەمانە. بەڵێ، بە داخەوە ئەوان هەندێک سەرکەوتنیان بەدەستهێناوە، بەڵام ئەم سەرکەوتنە هێندە بۆ ئۆکراینا ستراتیجی نییە. تەنیا ئەوەت بەبیر دێنمەوە کە رووسیا لە 2014ـەوە لەسەر دۆنباس دەجەنگێت. ئەم داواکارییانەش لەلایەن ئەوانەوە کە گوایە دەبێ ئێمە هەرێمی دۆنێتسک چۆڵ بکەین و دەستبەرداری دۆنباس ببین، تەنیا لەبەر ئەوەی رووسیا هێز و سەرچاوەی هەیە بۆ ئەوەی بە زۆر بیگرێت، راست نییە. بۆیە ئێمە ئامادە نین کۆڵبدەین و نەجەنگین، بەڵکو بەردەوام دەبین لە خەبات لەپێناو خەڵکەکەمان لە هەرێمی دۆنباس. دۆخەکە سەختە، بەڵام لەژێر کۆنترۆڵی هێزەکانی ئۆکراینادایە. 

 

 

یۆگۆر چێرنیێڤ: دەکرێت پرسیارەکەت دووبارە بکەیتەوە؟

 

 

یۆگۆر چێرنیێڤ: فاکتەری سەرەکی؟ 

 

 

یۆگۆر چێرنیێڤ: هۆکاری سەرەکی هێزی مرۆییە. بەداخەوە رووسیا ژمارەی دانیشتووانی زیاترە و سەرچاوەی گەورەتری هەیە لە رووی هێزی مرۆییەوە لە گۆڕەپانی جەنگدا بەراورد بە ئێمە. ئەوان باکیان بە زیانەکانی خۆیان نییە. ئەوان ئامادەن رۆژانە سەدان کەس، بگرە هەزار کەس بە کوشت بدەن، تەنیا بۆ ئەوەی چەند مەترێک بێنە پێشەوە. ئێمە خەمخۆری گیانی سەرباز و کارمەندانی خۆمانین و هەوڵدەدەین زیاتر سیستەمی رۆبۆتی وەکو درۆن، رۆبۆتی وشکایی و شتی لەو بابەتە بەکاربێنین. بەڵام ئەمانە بەس نین بۆ وەستاندنی رووسەکان. دەزانی، چەند رۆژێک بەر لە ئێستا لەسەر دۆخەکە قسەم دەکرد، یەکێک لەو سەربازانەی لە بەرەکانی پێشەوەی جەنگە، بارودۆخەکەی بەم جۆرە باسکرد: گوتی "ئێمە هەموو رۆژێک هەمان دیمەن دەبینین، رووسیا بە گرووپی بچووکی 10 بۆ 12 کەسی پەلاماری سەنگەرەکانمان دەدەن. سەربازەکانمان دەیانکوژن، بۆ نموونە هەشتیان دەکوژن. ئەو دووانەی کە هێشتا ماون هەوڵدەدەن خۆیان بگەیەننە سەنگەرێکی دیکە. دواتر دەشێت دیل بکرێن یان ئەوانیش بکوژرێن. دوای چەند کاژێرێک هەمان دۆخ دووبارە دەبێتەوە". واتە ئەوان بەسەر تەرمی ئەو سەربازانەی خۆیاندا دەڕۆن کە تازە کوژراون و هەوڵدەدەن بێنە پێشەوە. ئێمە پەلاماردان و هێزی مرۆیی بەکارناهێنین، بەڵکو چەند درۆنێک بەکاردەهێنین بۆ وەستاندنیان. پێموایە ئەمە هۆکاری سەرەکییە کە بۆچی ئەوان هێشتا هەندێک سەرکەوتنیان لە گۆڕەپانەکەدا بەدەستهێناوە.

 

 

یۆگۆر چێرنیێڤ: ئەمە کێشەیەکی دیکەیە. کاتێک ئێمە تووشی کورتهێنان بووین لە تەقەمەنی و گولـلە تۆپدا، ساڵێک یان دوو ساڵ لەمەوبەر، کاتێک ئەو کێشەیەمان بۆ دروست بوو، هەوڵمان دا شوێنیان پڕبکەینەوە. ستراتیج یان تاکتیکێکمان دانا بۆ بەکارهێنانی درۆنی "FPV" لەجیاتی گولـلە تۆپ. ئێستا ئێمە لەسەتا 90ی درۆنەکان لە نێوخۆی ئۆکراینا بەرهەم دەهێنین. بەڵام هێشتا کێشەمان هەیە لەو گولـلە تۆپانەی کە هاوپەیمانەکانمان بۆمان دابین دەکەن. هێشتا کێشەمان هەیە لە بەرگریی ئاسمانی. هێشتا کێشەمان هەیە لەوەی چۆن بەرپەرچی بۆمبە ئاراستەکراوەکانی رووسیا بدەینەوە. بۆیە، بەڵێ، کەمیی چەک و تەقەمەنی کێشەیەکە لە بەرەنگاربوونەوەی رووسەکان.

 

 

یۆگۆر چێرنیێڤ: ئێمە سازشی زۆرمان کرد، لە راستیدا لەو 28 خاڵەی نەخشە رێگەی ئاشتی کە پێشنیازیان بۆ کردین، ئێمە بە هەندێکیان رازی بووین، وا بزانم گەیشتینە رێککەوتن و سازش، بەڵام هەندێک خاڵ هەن کە بۆ ئێمە چارەنووسسازن و هێڵی سوورن بۆ ئۆکراینا، چونکە رووسیا هێشتا هەوڵدەدات و داوا دەکات کە دەستبەرداری خاکەکەمان ببین. مەبەستم ئەوەیە، زۆر بە تووندی رادەستکردنی خاک بە رووسیا رەتدەکەینەوە. ئەمە پێشنیازێکی نەگونجاوە بۆ ئێمە. تەنانەت ئەم بابەتەش، سەرۆک زێلینسکی ئامادە بوو لە ئاستێکی باڵاتردا لەگەڵ سەرۆک ترەمپ گفتوگۆی لەسەر بکات. بەڵام بەداخەوە ئێمە بێباوەڕی و نائامادەیی لایەنی رووسی دەبینین و نابێت فریوی رووسەکان بخۆین کە گوایە ئەوان ئامادەن بۆ کۆتاییهێنان بەم جەنگە. بەداخەوە وانییە، هەموو ئاماژەکان ئەوەمان پێشاندەدەن کە ئەوان خۆیان بۆ درێژەدان بەم جەنگە ئامادە دەکەن. تەنانەت ئەگەر چاوێک لە بودجەکەیان و پلانەکانیان بکەین بۆ زیادکردنی بەرهەمهێنانی سەربازی لە ساڵی 2026دا، ئەوەمان بۆ دەردەکەوێت کە ئەوان پلانیان هەیە بەردەوام بن و، هەموو ئەم یارییانەش بە ناوی دانوستانی ئاشتییەوە تەنیا لەبەر یەک هۆکارە. چونکە دەیانەوێت کات بکوژن و تا دەتوانن درێژە بەم جەنگە بدەن بەبێ ئەوەی سزای نوێی ئەمریکایان بەسەردا بسەپێنرێت. هەر بۆیە پێشانی دەدەن کە گوایە ئامادەی دانوستانن و دەرگەیان کراوەیە، بەڵام ئەمە راست نییە. دەبینین ئەوان کاتەکە دەقۆزنەوە بۆ هاتنە پێشەوە و گوشارخستنە سەرمان و لێدان لە ژێرخانی و، هەوڵدان بۆ ئەوەی لەم زستانەدا ئۆکراینا بخەنە تاریکستانێکی تەواوەوە و، هەوڵدەدەن لە گۆڕەپانی جەنگدا پێشڕەوی بکەن. بۆیە هیچ ئاماژەیەک نابینم کە رووسیا بە راستی ئامادەی دانوستانی ئاشتی بێت. ئەوان تەنیا هەوڵدەدەن وای پێشانبدەن ئامادەن بۆ ئەمە، بەڵام راست نییە.

 

 

یۆگۆر چێرنیێڤ: بڕوانە، وەکو پێشتر گوتم، ئێمە رازی بووین و گەیشتینە سازش لەسەر زۆر خاڵ لەم پرۆسەی ئاشتییەدا. 

 

 

یۆگۆر چێرنیێڤ: بەڵێ ئاشتی نییە، بەڵام نابێ ئاشتیش لە بەرامبەر هەر نرخێکدا بێت. 

 

 

یۆگۆر چێرنیێڤ: بەڵێ، رێک وایە. نابێت ئاشتییەک بێت بە سازشکردن لەسەر خاک لەلایەن ئۆکرایناوە. بۆچی باسی سازش لەلایەن رووسیاوە ناکەین؟ بۆچی باسی ئەوە ناکەین کە دەبێت رووسیا لە هەندێک خاکی ئۆکراینا بچێتە دەرەوە. بۆچی دەبێت پاداشتی داگیرکەر بدەینەوە بە خاکی نوێ و، دان بەوەدا بنێین کە لە سەدەی بیستویەکدا نەک سەروەریی یاسا، بەڵکو یاسای هێز حوکم دەکات و، دەتوانیت سنووری وڵاتانی دیکە بگۆریت و هەموو شت ئاسایی بێت و، لە رێگەی شەڕەوە یەکلابکرێتەوە. کەواتە بەڵێ، ئێمە لە هەندێک بەشی ئەم پێشنیازەی ئاشتیدا گەیشتینە خاڵی هاوبەش و مامەڵەکردن، بەڵام سێ خاڵی سەرەکی هەن کە بۆ ئێمە گەلێک گرنگ و چارەنووسسازن: خاکی ئێمە و ئەو خەڵکەی ئێمە کە هێشتا لەوێ دەژین. دووەمیان سەروەریی خاکمانە، چونکە نابێت هیچ سنووردارکردنێک بۆ سەروەریی ئۆکراینا هەبێت. واتە نابێت دەستوەردان لە سیاسەتی نێوخۆماندا هەبێت بە دانانی دۆخێکی تایبەت بۆ زمانی رووسی یان کەنیسەی رووسی یان هەر شتێکی لەو جۆرە. نابێت دەستوەردان لە سیاسەتی دەرەوەماندا هەبێت. دەبێت خۆمان ئەو هاوپەیمانێتییە هەڵبژێرین کە دەمانەوێت بچینە نێویەوە. خاڵی سێیەم، کە زۆر لە پێشە، گەرەنتییەکی ئەمنی و ئاسایشی پتەوە بۆ ئۆکراینا، چونکە بەبێ گەرەنتی ئەمنی، پێموایە تەنیا پشوویەک دەبێت لەم جەنگەدا، نەک کۆتایی جەنگەکە، چونکە بەمە تەنیا کات دەدەینە رووسیا بۆ ئەوەی باشتر خۆی ئامادە بکات و هەڵمەتێکی نوێی هێرش لە ساڵێک، دوو ساڵ یان سێ ساڵی دیکە دەستپێبکاتەوە. 

 

 

یۆگۆر چێرنیێڤ: ئێستا ئێمە پشتیوانیی ویلایەتە یەکگرتووەکانمان هەیە وەکو زانیاریی هەواڵگری، هەروەها لە رێگەی بەرنامەیەکەوە کە وڵاتانی ئەورووپا چەک بۆ ئۆکراینا دەکڕن. هاوبەشە ئەورووپییەکانمان سیستمی بەرگریی ئاسمانی و مووشەکی بەرگریی ئاسمانی بۆ ئۆکراینا دەکڕن. بۆ جۆرەکانی دیکەی چەک، هەوڵدەدەین لە شوێنێکی دیکەی ئەورووپا یان لە جیهاندا پەیدایان بکەین. بۆیە بەبێ زانیاریی هەواڵگری کارەکە سەختتر دەبێت بۆ لێدان لە ژێرخانی هەستیار یان بەرهەمهێنانی سەربازیی رووسیا لە قووڵایی خاکی ئەو وڵاتەدا. بەڵام هێشتا دەتوانین ئەوەش بکەین، تەنانەت بەبێ ئەو زانیارییە هەواڵگرییانەش. بەبێ مووشەکی سیستمی بەرگریی ئاسمانی، کێشەی زیاتر بۆ تۆڕەکانی کارەبا و ژێرخانی هەستیارمان دروست دەبێت، چونکە رووسیا بەردەوام دەبێت. هیچ گومانێک نییە لەوەی کە رووسیا هەوڵدەدات ئەم زستانە وڵاتمان تاریک بکات و کارەبامان لێ ببڕێت. بەڵام زستان کۆتایی دێت و بەهار دێتەوە، بۆیە پێموایە دوای کۆتایی هاتنی زستان کێشەی کارەبا کەم دەبێتەوە و، ئێمەش هەوڵدەدەین چارەسەر بدۆزینەوە، سەرباری ئەو هەموو لێدانانە لە ژێرخانەکەمان. خۆتان لەوانەیە ببینن کە ئێستا ئێمە کارەبامان هەیە سەرباری هێرشە چڕ و بەرفراوانەکان بۆ سەر تۆڕی کارەبا و ژێرخانە هەستیارەکانمان.

 

 

یۆگۆر چێرنیێڤ: ئەوە بە دەست ئۆکراینا نییە. ئەوە بە دەست هاوبەشەکانمانە. 

 

 

یۆگۆر چێرنیێڤ: ئەوە مژارێکی سیاسییە. پەیوەندیی بە پێوەرەکانی ناتۆوە نییە، چونکە بۆ نموونە ئۆکراینا نزیکەی 32٪ بۆ 35٪ی ئەو پێوەرانەی لە ئۆکراینادا جێبەجێ کردوون. لە راستیدا ئێمە بە چەکی ناتۆوە دەجەنگین، بەپێی ستانداردەکانی هێزی دەریایی ناتۆ دەجەنگین، بەو سەرباز و کارمەندانە دەجەنگین کە لەلایەن وڵاتانی ناتۆوە مەشقیان پێکراوە. ئێمە بە کردەوە بەشێکین لە ناتۆ، بەڵام دەبێت بڕیارەکە لەلایەن 32 وڵاتەوە بدرێت. 

 

 

یۆگۆر چێرنیێڤ: کێشەکە ئەوەیە کەس نایەوێت جەنگ لە بەرەی خۆیدا هەبێت. ئەوان وا بیردەکەنەوە ئەگەر ئۆکراینا بچێتە ناتۆوە، دەشێت جەنگ بهێنێتە سەر...

 

 

یۆگۆر چێرنیێڤ: بۆ سەر خاکی ئەوان. بەڵام راستییەکە ئەوەیە کە چەتری ناتۆ پارێزگاری و رێگری لە جەنگ بە وڵاتان دەبەخشێت. دەتوانن تەماشای وڵاتانی باڵتیک بکەن. پێموایە ئەگەر وڵاتانی باڵتیک بەشێک نەبوونایە لە ناتۆ، لەوە دەچوو ئەوان یەکەم نێچیر و ئامانجی رووسەکان بوونایە. بۆ ئەوان ئاسانتر دەبوو کە ئەو سێ وڵاتە داگیر بکەن. بەڵام رووسیا نایەوێت رووبەرووی ناتۆ ببێتەوە. بۆیە پێموایە ئێمەش باسی بەشداری یان ئەندامێتی خۆمان لە ناتۆ لە کاتی جەنگدا ناکەین. دەبێت ئەمە دوای جەنگ بکرێت و، پێشموایە ئەوە دەبێتە باشترین گەرەنتیی ئەمنی بۆ ئۆکراینا.

 

 

یۆگۆر چێرنیێڤ: ئەگەر باسی هەندێک ستاندارد دەکەن، پێموایە ئێمە لەسەر رێچکە و رێگەی راستین، سەرباری ئەوەی کە بڕیاری کۆتایی سیاسییمان بەدەست نەگەیشتووە، بەڵام بە کردەوە ئێمە بەرەو تێکەڵبوون بە ناتۆ هەنگاو دەنێین، چونکە ئێمە پێشوەختە هاوبەشین لە بەرنامە جیاوازەکانی ناتۆ لە هۆڵەندا و، لەسەر ئەمە بەردەوامین. پێموایە لە راستیدا ئامادەین بۆ ئەم ئەندامێتییە لە داهاتوودا. بەڵام دەبێت ویستێکی سیاسی هەبێت بۆ ئەم بڕیارە.

 

 

یۆگۆر چێرنیێڤ: جارێ با بوەستین و ببینین، دەیڵێمەوە، پێم وانییە رووسیا ئامادە بێت بۆ دانوستانی راستەقینە، بۆیە ئەگەری زۆرە ئەوان تەنیا نواندنی ئەم پرۆسەی ئاشتییە بکەن، من چاوەڕوانی هیچ بڕیارێکی یەکلاکەرەوە و گەورە ناکەم کە لە ماوەی دوو رۆژدا ئاشتی بەدیبێنێت، بەداخەوە. بەڵام ئێمە هەر لە ئێستاوە ئامادەین بۆ ئاشتییەکی بەردەوام و درێژخایەن. 

 

 

یۆگۆر چێرنیێڤ: بەداخەوە، وا دیارە، بەڵێ.

 

 

یۆگۆر چێرنیێڤ: سوپاس.