پارێزگاری کرماشان: دەنگۆی هاتنی هێزی بیانی بۆ خاکی ئێران ناڕاستە

 

 

ئەمڕۆ پێنجشەممە، 5-3-2026، پارێزگاری کرماشان ئەو قسانەی کردووە.

 

هەروەها پارێزگاری کرماشان ئاماژەی بەوە کرد، "سنوورەکانی پارێزگای کرماشان بە تەواوی لەژێر کۆنترۆڵی هێزە چەکدارەکاندایە و تاوەکو ئێستا هیچ راپۆرتێک لەبارەی دزەکردن یان هاتووچۆی نایاسایی گرووپە چەکدار و دژبەرەکان لە سنوورەکانی پارێزگاکە تۆمار نەکراوە".

 

ئەو بەرپرسەی ئێران دەڵێت، "سوپای پاسداران، ئەرتەش، فەرماندەیی پۆلیس و هێزەکانی پاسەوانیی سنوور بەوریاییەوە لە ئامادەباشیدان و رێگە نادەن هیچ زیانێک بەر ئاسایشی سنوورەکانی وڵات بکەوێت".

 

پارێزگای کرماشان لە رۆژهەڵاتی کوردستانە؛ رووبەری 24,640 کیلۆمەتر چوارگۆشەیە و بە درێژایی 371 کیلۆمەتر هاوسنوورە لەگەڵ باشووری کوردستان.