نێچیرڤان بارزانى پرسەنامەیەک ئاڕاستەى ئەیاد عەللاوى دەکات

 

 

نێچیرڤان بارزانى، سەرۆکی هەرێمی کوردستان نووسیویەتی: "بە خەم و پەژارەوە هەواڵى کۆچى دوایی کوڕەکەى ئەیاد عەللاوییمان پێگەیشت. پرسە و هاوخەمى ئاڕاستەى خۆی و خێزانە بەڕێزەکەى دەکەین؛ داواکارین لە خودا بە بەهەشتى بەرینى شاد بکات و ئارامیش ببەخشێتە کەسوکارى" .

 

سەرۆکى هەرێمى کوردستان دەڵێت: "بە پەژارەوە هاوبەشى ئەو کۆستە بەئازارەیان دەکەین و لەم دۆخە بەئازارەدا لەگەڵ ئەیاد عەللاوى و خێزانەکەى دەبین".

 

رۆژى 5ى ئایارى 2025 حەمزە ئەیاد عەللاوى لە نەخۆشخانەى ئیبن سینا لە بەغدا کۆچى دوایی کرد. 

 

ئەیاد عەللاوى، سەرۆکوەزیرانى پێشووترى عێراق و سەرۆکى هاوپەیمانیى گردبوونەوەى مەدەنى نیشتمانیى عێراقە.