خۆپیشاندەران رێگای کەڵەک-بەردەڕەش دادەخەن
رووداو- هەولێر
دانیشتووانی کەڵەک دژی دابەشکردنی زەوی بەسەر خەڵکانی دەرەوەی ناحیەکەیان خۆپیشاندانێکیان سازکرد.
ئەمڕۆ دووشەممە دانیشتووانی ناحیەی کەڵەک دژی پێدانی زەوی بە خەڵکانی دەرەوەی ناحیەکەیان خۆپیشاندانێکیان سازکرد و رێگای سەرەکی کەڵەک-بەردەڕەشیان داخست.
خالید عەزیز، بەڕێوەبەری ناحیەی کەڵەک بە رووداوی راگەیاند، "ئەم خۆپیشاندانە نایاساییە و مۆڵەتییان وەرنەگرتووە". هەروەها بەڕێوەبەری ناحیەکە رەتیکردەوە زەوی بەسەر خەڵکانی دەرەوەی ناحیەی کەڵەک دابەشکرابێت.
خالید عەزیز لە بارەی داخستنی رێگای سەرەکی کەڵەک- بەردەڕەش رایگەیاند، "هیچ کەسێک مافی گرتنی رێگای نییە".