سەرۆک بارزانی و مەزڵووم عەبدی کۆبوونەوە؛ "لە دەستووردا مافەكانی كورد بچەسپێت"

 

 

بەپێی راگەیێندراوی بارەگای بارزانی، "لە دیدارەكەدا باس لە بارودۆخی رۆژئاوای کوردستان و هەروەها جێبەجێبكردنی رێككەوتنی نێوان حكومەتی سووریا و هەسەدە و دوایین پێشهاتەكانی سووریا كرا".

 

لەو كۆبوونەوەیەدا، بەپێی بارەگای بارزانی، "سەرۆك بارزانی داوای كرد كە هەردوولا پابەندی جێبەجێكردنی خاڵەكانی ئەو رێككەوتنە بن و هەروەها هەماهەنگی نێوان هەموو لایەكان هەبێت كە لە قۆناخەكانی داهاتوو و لە دەستووردا مافەكانی گەلی كورد لە سووریا پارێزراو بێت و بچەسپێت".