ئومێد خۆشناو: کارمەندێکی ئاسایشی فرۆکەخانەی هەولێر شەهید بوو

 

 

رۆژی یەکشەممە، ئومێد خۆشناو، پارێزگاری هەولێر بە (رووداو)ی راگەیاند، "بەداخەوە لە ئەنجامی هێرشەکانی شەوی رابردووی سەر فڕۆکەخانەی هەولێر کارمەندێکی ئاسایشی فڕۆکەخانە شەهید بووە و سێ کارمەندی دیکەش بریندارن."

 

ئومێد خۆشناو گوتی: "ئەو کارمەندەی ئاسایش کە شەهید بووە، ناوی وڵات تاهیرە."

 

شەوی رابردوو و بەرەبەیانیی ئەمڕۆ یەکشەممە چەندین هێرش کرانە سەر فڕۆکەخانەی نێودەوڵەتیی هەولێر، بەڵام هێرشەکان لەلایەن سیستەمی بەرگریییەوە تێکشکێندران. 

 

پارێزگاری هەولێر ئاشکرای کرد، شەوی رابردوو بە 10 درۆن هێرشکراوەتە سەر شاری هەولێر.