نێچیرڤان بارزانی و کۆنسووڵی ئەمریکا هەنگاوەکانی پێکهێنانی حکومەت تاوتوێ دەکەن

 

رۆژی دووشەممە (9-2-2026)، نێچیرڤان بارزانی، سەرۆکی هەرێمی کوردستان پێشوازی لە گوێندەلن گرین، کۆنسووڵی گشتیی ئەمریکا لە هەرێمی کوردستان کرد.

 

بەگوێرەی راگەیێندراوی سەرۆکایەتیی هەرێمی کوردستان، لە دیدارەکەدا "دۆخی سیاسیی هەرێمی کوردستان و هەنگاوەکان بۆ پێکهێنانی کابینەی نوێی حکومەت تاوتوێ کران."

 

هەروەها باس لە پەیوەندییەکانی هەولێر و بەغدا و دوایین پێشهاتەکانی پرۆسەی سیاسی لە عێراق بۆ هەڵبژاردنی سەرۆککۆمار و پێکهێنانی حکومەتی نوێی فیدراڵ کرا.

 

تەوەرێکی دیکەی کۆبوونەوەکە، تایبەت بوو بە دۆخی سووریا و دواپێشهاتەکانی ناوچەکە بەگشتی.

 

 

پێشنیوەڕۆی ئەمڕۆ دووشەممە 2026/2/9 بەڕێز نێچیرڤان بارزانی، سەرۆکی هەرێمی کوردستان، پێشوازیی لە خاتوو گوينده‌لن گرين، کونسوڵی گشتیی ئەمه‌ریکا لە هەرێمی کوردستان کرد.

 

لە دیدارێکدا، دۆخی سیاسیی هەرێمی کوردستان و هەنگاوەکان بۆ پێکهێنانی کابینەی نوێی حکومەتی هەرێمی کوردستان تاوتوێ کران. هەردوولا جەختیان لە گرنگیی لێکگەیشتن و هاریکاریی نێوان لایەنە سیاسییەکان کردەوە بۆ سەرخستنی پرۆسەی سیاسی.

 

لە تەوەرێکی دیکەی دیداره‌که‌دا، پەیوەندییەکانی هەولێر و بەغدا و دوایین پێشهاتەکانی پرۆسەی سیاسی لە عێراق بۆ هەڵبژاردنی سەرۆککۆمار و پێکهێنانی حکومەتی نوێی فیدراڵ، خرانە بەر باس. هەردوولا هاوڕا بوون له‌سه‌ر گرنگیی سه‌رخستنی پرۆسه‌ی سیاسی و پاراستنی سەقامگیریی سیاسی له‌ وڵات.

 

دۆخی سووریا و دوا پێشهاتەکانی ناوچەکە بەگشتی، لایەنێکی دیکەی گفتوگۆکانی نێوان سەرۆک نێچیرڤان بارزانی و کونسوڵی گشتیی ئەمه‌ریکا بوو.