خشتەی مووچەی مانگی دوو راگەیێندرا
رووداو دیجیتاڵ
وەزارەتی دارایی هەرێمی کوردستان خشتەی مووچەی مانگی دووی بڵاوکردەوە و دەڵێت، سێشەممە دەست بە دابەشکردنی دەکرێت.
بەگوێرەی خشتەکە، رۆژی پێنجشەممە، 12ـی ئادار دابەشکردنی مووچە کۆتایی دێت.
لە سێ رۆژدا مووچەی تەواوی مووچەخۆرانی هەرێمی کوردستان دابەشدەکرێت.
ئەمڕۆ بڕی (295) ملیار و (405) ملیۆن دیناری دیکە وەکو دوایین گوژمەی تەمویلی مووچەی مانگی شوباتی فەرمانبەران و مووچەخۆرانی هەرێمی کوردستان خرایە سەر هەژماری بانکیی وەزارەتی دارایی و ئابووری لە لقی هەولێری بانکی ناوەندیی عێراق.
خشتەی دابەشکردنی مووچەی مانگی شوباتی مووچەخۆران. وەزارەتی دارایی دەڵێت، سێشەممە دەست بە دابەشکردنی مووچە دەکەن pic.twitter.com/kMyPtDq9bu
— Rudaw (@Rudawkurdish) March 9, 2026