زانیاری لەسەر پلینیۆمی یەکێتی نیشتمانی کوردستان
رووداو- هەولێر
بڕیارە سبەینێ یەکێتی نیشتمانی کوردستان بۆ تاوتوێکردنی ئەنجامی هەڵبژاردنەکان کە دەنگەکانیان کەمیکردووە، لە سلێمانی پلینیۆم ببەستێت.
سبەی پێنجشەمە ١٠-١٠-٢٠١٣ لە قەلاچۆلان، شوێنی زۆرێک لە بارەگاکانی یەکێتی، لەوانە: مەکتەبی رێکخستن و پەیمانگای پێگەیاندنی کادیران و کۆلێژی سەربازی، دوور لە چاوی میدیاکان و لە رێوشوێنێکی ئەمنی تووندا دەبەسترێت.
دەسەڵاتەکانی پلینیۆم بەمشێوەیە وەک لە ماددەی ٢٢ پەیرەوی ناوخۆی یەکێتی باسکراوە:
1. بە مەبەستى پێداچوونەوەى کاروبارەکانى یەکێتی نیشتمانی کوردستان و وەرگرتنى بیروڕاى زۆرترین ئەندامانى لێپرسراو و لەسەر داواى سکرتێرى گشتى یان 2 / ٣ ى ئەندامانى کۆمیتەى سەرکردایەتى یان 2 / 3 ى ئەندامانى ئەنجوومەنى ناوەند پلینیۆم دەبەسترێت.
2. بەشدارانى پلینیۆم پێکدێت لە سکرتێرى گشتى، کۆمیتەى سەرکردایەتى، ئەنجوومەنى ناوەند، ئەندامانى مەکتەب، دەزگاکان و ئەنجوومەنى مەڵبەندەکان.
3. هەموو دەسەڵاتێکى کۆنگرەى هەیە جگە لە گۆڕینى پڕۆگرام و پەیڕەو و سکرتێرى گشتى.
4. دەتوانێت 1 / 3 ئەندامانى کۆمیتەى سەرکردایەتى و ئەنجوومەنى ناوەند بگۆڕێت.
بە پێی لێدوانی بەرپرسانی باڵای یەکێتی لەوانە عەدنان موفتی، ئەندامی مەکتەبی سیاسی یەکێتی بۆ (رووداو) بەو پێییەی کۆنگرە لە ٣١-١-٢٠١٤ دەبەسترێت، رەنگە هیچ گۆڕانکارییەک لە سەرکردایەتی ئەو حیزبە نەکرێت لە پلنێۆم.
بڕیارە سبەینێ یەکێتی نیشتمانی کوردستان بۆ تاوتوێکردنی ئەنجامی هەڵبژاردنەکان کە دەنگەکانیان کەمیکردووە، لە سلێمانی پلینیۆم ببەستێت.
سبەی پێنجشەمە ١٠-١٠-٢٠١٣ لە قەلاچۆلان، شوێنی زۆرێک لە بارەگاکانی یەکێتی، لەوانە: مەکتەبی رێکخستن و پەیمانگای پێگەیاندنی کادیران و کۆلێژی سەربازی، دوور لە چاوی میدیاکان و لە رێوشوێنێکی ئەمنی تووندا دەبەسترێت.
دەسەڵاتەکانی پلینیۆم بەمشێوەیە وەک لە ماددەی ٢٢ پەیرەوی ناوخۆی یەکێتی باسکراوە:
1. بە مەبەستى پێداچوونەوەى کاروبارەکانى یەکێتی نیشتمانی کوردستان و وەرگرتنى بیروڕاى زۆرترین ئەندامانى لێپرسراو و لەسەر داواى سکرتێرى گشتى یان 2 / ٣ ى ئەندامانى کۆمیتەى سەرکردایەتى یان 2 / 3 ى ئەندامانى ئەنجوومەنى ناوەند پلینیۆم دەبەسترێت.
2. بەشدارانى پلینیۆم پێکدێت لە سکرتێرى گشتى، کۆمیتەى سەرکردایەتى، ئەنجوومەنى ناوەند، ئەندامانى مەکتەب، دەزگاکان و ئەنجوومەنى مەڵبەندەکان.
3. هەموو دەسەڵاتێکى کۆنگرەى هەیە جگە لە گۆڕینى پڕۆگرام و پەیڕەو و سکرتێرى گشتى.
4. دەتوانێت 1 / 3 ئەندامانى کۆمیتەى سەرکردایەتى و ئەنجوومەنى ناوەند بگۆڕێت.
بە پێی لێدوانی بەرپرسانی باڵای یەکێتی لەوانە عەدنان موفتی، ئەندامی مەکتەبی سیاسی یەکێتی بۆ (رووداو) بەو پێییەی کۆنگرە لە ٣١-١-٢٠١٤ دەبەسترێت، رەنگە هیچ گۆڕانکارییەک لە سەرکردایەتی ئەو حیزبە نەکرێت لە پلنێۆم.