جۆش و خرۆشی کوردانی کەرکووک بۆ هەڵبژاردن؛ 'هەمووان ئامادەن بڕۆن بۆ دەنگدان'

 

 لایەنە کوردستانییەکان لە پارێزگای کەرکووک بە پێنج لیست، عەرەبەکان بە 7 لیست، تورکمانەکانیش بە دوو لیست بەشداری هەڵبژاردنی دەکەن. 

 

کەرکووک لەم هەڵبژاردنەدا جارێکی دیکە بووەتە گۆڕەپانی ململانێیەکی تووند لەنێوان نەتەوەکانی پارێزگاکە، بەهۆی رەهەندە نێوخۆیی، هەرێمی و نێودەوڵەتییەکانییەوە، گرنگییەکی تایبەتی هەیە، بەتایبەتی بۆ کورد.

 

 لە هەڵبژاردنی خولی پێنجەمی پەرلەمانی عێراق کە ساڵی 2021 بەڕێوەچوو، لایەنە کوردستانییەکان شەش کورسییان بەدەستهێنا، سێ کورسی بۆ یەکێتی، دوو کورسی بۆ پارتی و کورسییەکیش بۆ نەوەی نوێ. هاونیشتمانییانی کوردی کەرکووک دابەشبوونی کورسییەکانیان لەناو کوردا بۆ گرنگ نییە، تەنیا دەیانەوێت وەکو نەتەوە زۆرینەی کورسییەکانی شارەکە کورد بێ.