رێگەیەک بەهۆی بارانەوە لە تورکیا داتەپی

 

رووداوەکە دوای نیوەڕۆی ئەمڕۆ سێشەممە، 11-7-2023، لە شارۆچکەی مەسعودیەی سەر بە پارێزگای ئۆردو روویدا؛ لەبەردەم تونێلی داری جاباشی رێگەکە لە ناکاو داتەپی. رێگەکە کەڵکی تێپەڕبوونی ئۆتۆمبێلی نەما و بە خێرایی تیمەکانی شارەوانیی ئۆردو رێگەکەیان داخست. 

 

ماوەی سێ رۆژە لە سنووری پارێزگاکەدا باران دەبارێت و لایەنی پەیوەندیدار هۆکاری ئەو داتەپینە بۆ کاریگەرییەکانی بارانبارین دەگەڕێنێتەوە. 

 

رێگەی سەرەکیی (قەرەدەنیز-ئاکدەنیز) ساڵی 2022 تەواوکرا. تێچووی پڕۆژەکە ملیارێک لیرەی تورکی بوو کە بەگوێرەی نرخی ئەمڕۆ سێشەممە، دەکاتە نزیکەی 40 ملیۆن دۆلار. 

 

ئەو رێگەیە لە باکووری کوردستان و تورکیادا دەریای رەش بە دەریای سپی دەگەیێنێت و راستەوخۆ بە پارێزگاکانی ئۆردو، سێواز، کایسەری، مەڕەش، ئەدەنە و هاتایدا تێدەپەڕێت. 

 

بەگوێرەی سەرچاوە مێژووییەکانی تورکیا، پڕۆژەکە لە سەردەمی سوڵتان عەبدولعەزیزی دووەم (1876-1909) دیزاینکرا.