سەرۆک بارزانی پیرۆزبایی لە یانەکانی دهۆک و زاخۆ دەکات
رووداو دیجیتاڵ
سەرۆک مەسعود بارزانی بە تەلەفۆن قسەی لەگەڵ پارێزگاری دهۆک و سەرپەرشتیاری ئیدارەی سەربەخۆی زاخۆ کرد، پیرۆزبایی سەرکەوتنی هەردوو یانەکەی لێکردن.
ئەمڕۆ یەکشەممە، 13-17-2025، سەرۆک بارزانی بەبۆنەی سەرکەوتنی یانەی دهۆک و یانەی زاخۆ بۆ یاریی کۆتایی جامی عێراق، بە تەلەفۆن قسەی لەگەڵ د. عەلی تەتەر، پارێزگاری دهۆک و گوهدار شێخۆ، سەرپەرشتیاری ئیدارەی سەربەخۆی زاخۆ کرد.
بارەگای بارزانی دەڵێت، "لە هەردوو پەیوەندییە تەلەفۆنییەکەدا وێرای پیرۆزباییکردن، سەرۆک بارزانی دەستخۆشی خۆی گەیاندە پارێزگاری دهۆک و سەرپەرشتیاری ئیدارەی سەربەخۆی زاخۆ و هەردوو یانەی دهۆک و یانەی زاخۆ و راهێنەری هەردوو یانەکە و یاریزانانی هەردوو یانەکە و تەواوی وەرزشوانانی کوردستان و هیوای سەرکەوتنی زیاتری لە پاڵەوانییەتیەکان بۆ هەردوو یانەکە خواست و سوپاسی کردن".
دەقی پەیامی پیرۆزبایی سەرۆک بارزانی:
ئێوارەی ئەمڕۆ 13ـی تەمموزی 2025 سەرۆک مەسعود بارزانی بەبۆنەی سەرکەوتنی یانەی دهۆک و یانەی زاخۆ بۆ یاری کۆتایی جامی عێراق پەیوەندی تەلەفۆنی لەگەڵ عەلی تەتەر پارێزگاری دهۆک و گۆهدار شێخۆ سەرپەرشتیاری ئیدارەی سەربەخۆی زاخۆ ئەنجامدا.
لە هەردوو پەیوەندییە تەلەفۆنییەکەدا وێرای پیرۆزباییکردن، سەرۆک بارزانی دەستخۆشی خۆی گەیاندە پارێزگاری دهۆک و سەرپەرشتیاری ئیدارەی سەربەخۆی زاخۆ و هەردوو یانەی دهۆک و یانەی زاخۆ و راهێنەری هەردوو یانەکە و یاریزانانی هەردوو یانەکە و تەواوی وەرزشوانانی کوردستان و هیوای سەرکەوتنی زیاتری لە پاڵەوانییەتیەکان بۆ هەردوو یانەکە خواست و سوپاسی کردن.