تەقینەوەیەک لە شرنەخ روویدا؛ منداڵێک گیانی لەدەستدا و دایکیشی بریندارە

 

رووداوەکە ئێوارەی رۆژی چوارشەممە، 13-3-2024، لە ناوچەی باسان (گوچلوکئۆناک)ی سەر بە پارێزگای شرنەخ روویدا. 

 

بەگوێرەی گوتەی ئەو ماڵباتە، منداڵێکی تەمەن چوار ساڵ بە ناوی (س. د) پارچە کانزایەکی لە دەشتاییەکانی دەوروبەر دۆزیوەتەوە و بردوویەتییەوە بۆ ماڵەوە.

 

ئەو منداڵە لە حەوشەی ماڵەکەیاندا خەریکی ئەو پارچە کانزایە بووە و لەناکاو کانزاکە تەقیوەتەوە. منداڵەکە و دایکە تەمەن 46 ساڵییەکەی بە سەختی بریندار بوون و گواسترانەوە بۆ نەخۆشخانە. 

 

نزیکەی کاژێرێک دوای گەیشتنیان بە نەخۆشخانە، منداڵە تەمەن چوار ساڵەکە گیانی لەدەستدا و دایکیشی لە ژێر چاودێریی پزیشکە.