دەستڕێژی گولـلە لە قوتابخانەیەکی رووهای باکووری کوردستان کرا و 13 قوتابی بریندارن

 

 

رووداوەکە ئەمڕۆ سێشەممە 14ی نیسانی 2026، لە شارۆچکەی سوێرەگ روویداوە. هێرشەکە لە ئامادەیی پیشەیی و تەکنیکیی ئەنادۆڵی ئەحمەد کۆیونجو لە گەڕەکی حەسەن چەلەبی ئەنجامدراوە و باس لەوە دەکرێت هێرشکارەکە قوتابییەکی قوتابخانەکەیە.

 

دوای رووداوەکە، تیمەکانی تەندروستی، پۆلیس و هێزە تایبەتەکان رەوانەی شوێنەکە کراون. هێزە ئەمنییەکان توانیویانە زۆربەی ئەو قوتابییانەی لە قوتابخانەکەدا بوون دووربخەنەوە، بەڵام هێرشکارەکە هێشتا لەنێو بیناکەدایە و چەند قوتابییەکی بە بارمتە گرتووە.

 

ئێستا ناوچەکە لەلایەن هێزە ئەمنییەکانەوە گەمارۆ دراوە و هەوڵەکان بۆ کۆنترۆڵکردنی هێرشکارەکە و رزگارکردنی بارمتەکان بەردەوامن.