نێچیرڤان بارزانی پێشوازی لە باڵیۆزی فەرەنسا دەکات

 

سەرۆکایەتیی هەرێمی کوردستان دەڵێت، لە دیدارەکەدا، جەخت لەسەر پەرەپێدانی پەیوەندییەکانی فەرەنسا لەگەڵ عێراق و هەرێمی کوردستان کرایەوە و چەندین دۆسیەی گرنگ لەسەر ئاستی ناوخۆیی و ناوچەکە تاوتوێ کران.

 

هەردوولا گفتوگۆیان لەبارەی دۆخی گشتیی عێراق و هەرێمی کوردستان، پەیوەندییەکانی هەولێر-بەغدا و هەوڵەکانی چارەسەرکردنی کێشەکانی نێوانیان، کرد. 

 

هاوکات، داكۆکی لەسەر گرنگیی سەرخستنی پرۆسەی سیاسی و بەڕێوەچوونی سەرکەوتووانەی هەڵبژاردنەکانی ئەنجوومەنی نوێنەرانی عێراق، پاراستنی ئارامی و سەقامگیری وڵات و پته‌وکردنی هاوکاریی نێوان هێز و لایەنە سیاسییەکان و پێکهاتەکانی عێراق کرایەوە.

 

تەوەرێکی دیکەی دیدارەکە بریتی بوو لە تاوتوێکردنی پرۆسەی ئاشتی لە تورکیا و دوایین هەنگاوەکانی، هەروەها دۆخی سووریا و رێککەوتنی راگرتنی جەنگ لە غەززە، یان بریم، کۆنسووڵی گشتیی فەرەنسا لە هەرێمی کوردستان، ئامادەی بوو.

 

 

ئێوارەی ئەمڕۆ سێشەممە، 2025/10/14، بەڕێز نێچیرڤان بارزانی، سەرۆکی هەرێمی کوردستان، پێشوازی لە بەڕێز پاتریک دۆرێل، باڵیۆزی فەرەنسا لە عێراق کرد.

 

لە دیدارێکدا داكۆکییان لە برەودان بە پەیوەندییەکانی فەرەنسا لەگەڵ عێراق و هەرێمی کوردستان کرد و تیشکیان خستەسەر بوارەکانی هاریکاریی هاوبەشیان، هەروەها لەبارەی دۆخی گشتیی عێراق و هەرێمی کوردستان، پەیوەندییەکانی هەولێر ـ بەغدا و گفتوگۆی چارەسەرکردنی کێشەکانی نێوانیان، بیروڕایان گۆڕیەوە.

 

هەردوولا لەسەر گرنگیی سەرخستنی پرۆسەی سیاسی و بەڕێوەچوونی سەرکەوتووانەی هەڵبژاردنەکانی ئەنجوومەنی نوێنەرانی عێراق و پاراستنی ئارامی و سەقامگیریی وڵات، هەروەها پته‌وکردنی هاریکاریی نێوان هێز و لایەنە سیاسییەکان و پێکهاتەکانی عێراق، هاوڕا بوون.

 

لە تەوەرێکی دیکەی دیدارەکەدا کە بەڕێز یان برێم، کۆنسوڵی گشتیی فەرەنسا لە هەرێمی کوردستان، ئامادەی بوو، بە بایەخەوە باسیان لە پرۆسەی ئاشتی لە تورکیا و دواین هەنگاوەکانی کرد و دۆخی سووریا و رێککەوتنی راگرتنی شەڕیان لە غەززە، تاوتوێ کرد.