ئاوارەکانی سەر چیای شنگال لە رەوشێکی خراپدان
رووداو - شنگال
ئاوارەکانی سەر چیای شنگال لە رەوشێکی خراپدان، دوای رێگریکردن لە گەشتە نێودەوڵەتییەکان رێکخراوەکانی تایبەت بە رەوشی مرۆیی کەمتر دێنە کوردستان و کاریگەری لە ئاوارەکانیش کردووە.
خەڵکی ئەو ناوچەیە باس لەوەدەکەن، لەوەتەی زستان هاتووە هیچ پێداویستییەکیان بۆ دابین نەکراوە.
پێشتر 28 رێکخراوی ناوخۆ و بیانی لە سنووری شنگال هەبوون، بەڵام بەهۆی هاتنی سوپای عێراق و چەکدارانی حەشدی شەعبییەوە ئێستا هیچ رێکخراوێک لەو سنوورە نەماون.
داڕشتنەوە؛ راوچی حەسەن