لە سلێمانی پیاوێک بە گولـلە کچ و زاوایەکی بریندار دەکات

 

 

ئەمڕۆ چوارشەممە 17-05-2023 سەرکەوت ئەحمەد، گوتەبێژی پۆلیسی سلێمانی بە تۆڕی میدیایی رووداوی گوت، لە گەڕەکی راپەڕینی سلێمانی پیاوێک تەقەی لە کچ و زاواکەی کردووە و هەردووکیانی بریندارکردووە، "بریندارەکان لە نەخۆشخانەی شارن، چارەسەریان بۆ کراوە و مەترسی لەسەر ژیانیان نەماوە."

 

گوتەبێژی پۆلیسی سلێمانی دەشڵێت، ئەو پیاوەی کچ و زاواکەی بریندار کردووە تەمەنی 50 ساڵە، ئێستا تیمەکانیان لە شوێنی رووداوەکەن و لە هەوڵدان دەستگیری بکەن.

 

سەرکەوت ئەحمەد گوتیشی، ئەو دوو کەسەی بریندار کراون تەمەنیان لەنێوان 25 ساڵ بۆ 30 ساڵ دەبێت و بەپێی زانیارییەکان هۆکاری کێشەکە کۆمەڵایەتییە.