چارەنووسی 20 گەنجی کورد لە لوبنان ئاشکرا دەبێت

 

ئەو گەنجانە خەڵکی هەولێر و سلێمانین. بەمەبەستی گەیشتن بە ئەورووپا چووبوونە لوبنان. باڵیۆزخانەی عێراق لە لوبنان، کەسوکارەکانیان دڵنیا دەکاتەوە هەموویان سەلامەتن و لە رۆژانی داهاتوودا رێکارەکانی ناردنەوەیان تەواو دەکەن.

 

بەگوێرەی باڵیۆزخانەکە، پێنج رۆژی دیکە گەنجەکان دەگوازرێنەوە ئاسایش و لەوێ دەمێننەوە، تاوەکو رێکارەکانی گەڕانەوەیان تەواو دەکەن کە رەنگە 10-15 رۆژێکی پێبچێت.

 

باسی لەوەش کرد، ئەو قاچاخچییەی دەیویست ئەو گەنجانە بباتە دەرەوەی لوبنان، خەڵکی بەغدایە و دەستگیرکراوە. یەکێک لە گەنجەکان لەکاتی دەستگیرکردنی دا، قاچێکی شکاوە، بەڵام تەندروستیی هەموویان باشە و سەلامەتن.

 

یەکێک لە گەنجەکان خێزانەکەی لەگەڵ دایە و 70 هەزار دۆلاریان بە قاچاخچی داوە.