لە هەولێر 13 بەنزینخانە داخران

 

 

ئەمڕۆ دووشەممە، قایمقامیەتی قەزای ناوەندیی هەولێر  رایگەیاند، "لە درێژەی بەدواداچوون و چاودێریکردنی لێژنەکانی پشکنین و چاودێری بۆ وێستگەکانی سووتەمەنی (بەنزینخانە) بەهۆی فرۆشتنی بەنزینی کوالێتیی خراپ و پابەندنەبوونیان بە رێنماییەکان، 13 وێستگەی بەنزینخانە لە هەولێر داخران و سزادران".

 

قایمقامیەتی قەزای ناوەندیی هەولێر ئاماژەی بەوەداوە، لە سەرەتای ئەم مانگەوە تاوەکو 17ی ئەم مانگە پشکنینیان بۆ 168 وێستگە کردووە.

 

قایمقامیەتی قەزای ناوەندیی هەولێر، ناوی ئەو 13 وێستگەیەی بڵاوکردووەتەوە، کە سزادراون:

 

-وێستگەی کۆك/ برایەتی

- وێستگەی هێمن/ رێگای مەخموور

- وێستگەی شارەکەم/ کۆیە

- وێستگەی زانا/ کۆیە

- وێستگەی میر/ گەڕەکی شادی

- وێستگەی کرود/ رێگای موسڵ

- وێستگەی باغی گەزنە/ رێگای موسڵ

- وێستگەی دارەبەن/ رێگای ئیفراز

- وێستگەی بەتاو/ رێگای ئیفراز

- وێستگەی تاج/ 120 مەتری، عەنکاوە

- وێستگەی بەهار/ بنەسڵاوە

- وێستگەی زریان/ بنەسڵاوە

- وێستگەی هاوینەهەوار/ رێگای پیرمام

 

رۆژی 3ی ئەم مانگەش، قایمقامیەتی قەزای ناوەندیی هەولێر رایگەیاند، لە 24ی شوبات تاوەکو 29ی شوبات پشکنینیان بۆ 108 بەنزینخانە کردووە، 10 بەنزینخانەیان بەهۆی فرۆشتنی بەنزینی کوالێتی خراپ و پابەندنەبوونیان بە رێنماییەکان سزاداوە.