بە داتا؛ هەڵبژاردنی پەرلەمانی کوردستان بکرێتەوە پارتی 43 کورسی و یەکێتی 21 کورسی بەدەستدەهێنن

 

 

نزیکەی 14 مانگە هەڵبژاردنی خولی شەشەمی پەرلەمانی کوردستان کراوە، تاوەکو ئێستا حکومەت پێکنەهێندراوە، بۆ دەرچوون لەو قەیرانە ئێستا لە هەموو کات زیاتر باس لە دووبارەکردنەوەی هەڵبژاردن دەکرێت.

 

مەحموود محەممەد، گوتەبێژ و ئەندامی مەکتەبی سیاسیی پارتی دیموکراتی کوردستان لەبارەی ئەگەری دووبارەکردنەوەی هەڵبژاردنی پەرلەمانی کوردستان، ئەگەر لەگەڵ یەکێتی رێکنەکەوتن، بە رووداوی راگەیاند، "تاوەکو ئێستا لەسەر ئەو بابەتە قسە نەکراوە، ئومێد دەکەین نەگاتە ئەوە وایلێبێت."

 

پێکهێنانی حکومەت پێویستی بە نیوە کۆ یەکی کورسییەکانی پەرلەمانە، واتە 51 کورسی، بەڵام هیچ کام لە لایەنەکان ئەو ژمارە کورسییەیان نییە.

 

بە پشتبەستن بە دوایین ئەنجامی هەڵبژاردن، کە هەڵبژاردنی پەرلەمانی عێراقە و رۆژی 11-11-2025 کرا و رۆژی 17-11-2025 ئەنجامی کۆتایی هەڵبژاردنەکە راگەیێندرا، ئەگەر هەڵبژاردنیش دووبارە بکرێتەوە و لایەنەکان هەمان ئەو دەنگانە بهێننەوە، هێشتا هیچ لایەنێک ناتوانێت بە تەنیا حکومەت پێکبهێنێت، بەڵام کورسییەکانی پارتی زیاد دەکات و ژمارەی کورسییەکانی لە 39 کورسییەوە دەبێتە 43 کورسی، هەرچی یەکێتییە ژمارەی کورسییەکانی لە 23 کورسییەوە کەم دەبێتەوە بۆ 21 کورسی.

 

 

لەم هەڵبژاردنەدا دەنگێکی زۆری پارتی بۆ بەربژێری کۆتاکان چوو، بەتایبەتی بۆ کۆتای کریستیان لە دهۆک و هەولێر، کە بە هەردوو بەربژێرەکە 41355 هەزار دەنگیان بردووە، لە کاتێکدا لە هەڵبژاردنی پەرلەمانی کوردستان، دوو بەربژێری کۆتای کریستیان و بەربژێرێکی کۆتای تورکمان، کە پارتی پشتگیریی دەکردن، بە هەرسێکیان 15954 دەنگیان بەدەستهێنابوو؛ بۆیە ئەگەر دەنگی ئەو بەربژێرانە بۆ پارتی بچێتەوە ئەوا کاریگەریی لەسەر زیادبوونی کورسییەکانی پارتی دەبێت، بۆ یەکێتییش لە دهۆک ئەو هاوکێشەیە راستە، کە لە هەڵبژاردنی پەرلەمانی عێراقدا لیستەکەی بەهۆی پشتگیریکردنی لە کۆتایەکی کریستیان لێهەڵوەشایەوە، لە کاتێکدا لە هەڵبژاردنی پەرلەمانی کوردستاندا لەو پارێزگایە 28557 دەنگ و کورسییەکی بەدەستهێنابوو.

 

 

پارتی کە زۆرترین کورسی پەرلەمانی هەیە، لەگەڵ سێ کورسیی کۆتاکان ژمارەی کورسییەکانی دەگاتە 42 کورسی، هێشتا پێویستی بە 9 کورسیی دیکە دەبێت بۆ پێکهێنانی حکومەت، ئەگەر پارتی لەگەڵ یەکێتی رێکنەکەوێت، لانیکەم پێویستی بە هاوپەیمانی لەگەڵ حیزبە بچووکەکان دەبێت، کە هەریەک لە یەکگرتوو و نەوەی نوێ هەر لە سەرەتاوە ئۆپۆزیسیۆنبوونیان راگەیاند، هەرچی کۆمەڵی ئیسلامییە هەر لە سەرەتاوە بایکۆتی پەرلەمانی کردووە، ئەوەی دەمێنێتەوە 4 کورسییەکەی هەڵوێست، یەک کورسییەکەی سۆسیالیست و دوو کورسییەکەی بەرەی گەل و کورسییەکەی گۆڕانە، کە هێشتا بەشی پێکهێنانی حکومەت ناکات.

 

 

پارتی لە هەڵبژاردنی پەرلەمانی عێراقدا 852448 دەنگی بەدەستهێنا، ئەگەر هەڵبژاردن دووبارە بکرێتەوە، ئەو دەنگانەی پارتی بەشی 43 کورسی دەکەن، لەگەڵ سێ کورسیی کۆتای تورکمان و کریستیان ژمارەی کورسییەکانی دەبنە 46 کورسی، هێشتا پێویستی بە پێنج کورسیی دیکەیە. بەو ئەنجامەی هەڵبژاردنی پەرلەمانی عێراق پارتی لە هەولێر 19 کورسی بەدەست دەهێنێت، بەهای کورسی لە هەولێر 19,488 دەنگە، ئەگەر پارتی دوو کورسیی دیکە لە هەولێر زیاد بکات، دەبێت 39 هەزار دەنگی دیکە زیاتر لە دەنگەکانی پەرلەمانی عێراق تەنیا لە هەولێر بەدەستبهێنێت.

 

بە پشتبەستن بە ئەنجامی هەڵبژاردنی پەرلەمانی عێراق، پارتی لە دهۆک 19 کورسی بەدەستدەهێنێت، لەوێش پێویستی بە زیادکردنی دوو کورسییە، کە بەهای کورسی بەپێی ئەنجامی هەڵبژاردنی عێراق دەگاتە نزیکەی 22 هەزار دەنگ، واتە پێویستە زیاتر لە 43 هەزار دەنگی دیکە زیاد بکات.

 

ئەگەر کورسیی پێنجەمی پارتی لەسەر بازنەی سلێمانی هەژمار بکەین، دەبێت پارتی لەوێ دەنگەکانی بە شێوەیەکی بەرچاو زیاد بکات، لەوێ بەهای کورسی کە زیاتر لە 14 هەزارە، پارتی لانیکەم دەبێت 16 - 17 هەزار دەنگ زیاد بکات، چونکە یەکێک لە کورسییەکانی بە (باقی ئەقوا) بردووە.

 

ئەگەر حیزبەکانی دیکە هەمان دەنگی ئێستایان بهێننەوە و پارتی بیەوێ زۆرینە مسۆگەر بکات، پێویستی بە زیادکردنی نزیکەی 100 هەزار دەنگی دیکەیە و دەبێت ژمارەی دەنگەکانی لە هەر سێ بازنەکە بگەیێنێتە سەرووی 950 هەزار دەنگ.

  

 

 

یەکەم: ئەگەر زیاتر لە نیوەی ئەندامانی پەرلەمان دەستلەکاربکێشنەوە.

 

دووەم: ئەگەر لە ماوەی 45 رۆژدا لە بانگهێشتکردنی ئەندامان بۆ کۆبوونەوە لەلایەن سەرۆکی هەرێمی کوردستانەوە، رێژەی یاسایی بۆ دانیشتن بەردەست نەبوو.

 

سێیەم: ئەگەر پەرلەمان متمانەی بە سێ کابینەی یەک لەدوای یەک نەدا.

 

چوارەم: ئەگەر سیستمی هەڵبژاردن گۆڕا و خولی پەرلەمان کەمتر لە 6 مانگی مابوو.

 

 

یەکێک لەو رێگایانەی کە باسی لێوە دەکرێت، پەنابردنە بەر دادگەی فیدراڵیی عێراقە بۆ دەربازبوون لەو قەیرانە، بەڵام ئەو رێگەیەش تاقیکراوەتەوە، پێشتر نەوەی نوێ و کۆمەڵی دادگەری پەنایان بۆ دادگەی فیدراڵی بردووە، بەڵام دادگە بە پاساوی ئەوەی کە ئەو کارە لە تایبەتمەندیی ئەواندا نییە، داواکەیانی رەتکردووەتەوە.

 

 

 

ژمارەی کورسییەکانی پارێزگای هەولێر: 32 کورسی

دەنگی دروستی بازنەی هەولێر لە هەڵبژاردنی پەرلەمانی عێراقدا: 623620

نرخی کورسی لە هەولێر: 19,488.125

پارتی: 369724 دەنگ

کورسیی پارتی: 18.97175844

یەكێتی: 97,301 دەنگ

کورسیی یەکێتی: 4.998479843

هەڵوێست: 63298 دەنگ

کورسیی هەڵوێست: 3.248029249

نەوەی نوێ: 38921 دەنگ

کورسیی نەوەی نوێ: 1.99716494

یەکگرتوو: 28656 دەنگ

کورسیی یەکگرتوو: 1.470433918

کۆمەڵ: 13774 کورسی

کورسیی کۆمەڵ: 0.706789391

 

 

پارتی: 19 کورسی

یەکێتی: 5 کورسی

هەڵوێست: 3 کورسی

نەوەی نوێ: 2 کورسی

یەکگرتوو: 2 کورسی

کۆمەڵ: 1 کورسی

 

 

ژمارەی کورسییەکانی سلێمانی و هەڵەبجە: 39 کورسی

دەنگی دروستی بازنەی هەڵەبجە و سلێمانی لە هەڵبژاردنی پەرلەمانی عێراقدا: 572414

نرخی کورسی: 14,677.28205128205

یەكێتی: 241143 دەنگ

کورسیی یەكێتی: 16.42967677

هەڵوێست: 75375

کورسیی هەڵوێست: 5.135487602

نەوەی نوێ: 69781

کورسیی نەوەی نوێ: 4.754354366

پارتی: 68834 

کورسیی پارتی: 4.689832883

یەکگرتوو: 65312 دەنگ

کورسیی یەکگرتوو: 4.449870199‬‬

کۆمەڵ: 34563 دەنگ

کورسیی کۆمەڵ: 2.354863787

بەرەی گەل: 10928 دەنگ

کورسیی بەرەی گەل: 0.74455202

سۆسیالیست: 4819

کورسیی سۆسیالیست: 0.328330544

 

بەرەی تورکمانی: 581 دەنگ

کورسیی بەرەی تورکمانی: 0.039584986

 

 

یەکێتی: 16 کورسی

هەڵوێست: 5 کورسی

پارتی: 5 کورسی

نەوەی نوێ: 5 کورسی

یەکگرتوو: 5 کورسی

کۆمەڵ: 2 کورسی

بەرەی گەل: 1 کورسی

 

 

ژمارەی کورسییەکانی پارێزگای دهۆک: 32 کورسی

دەنگی دروستی پارێزگای دهۆک لە هەڵبژاردنی پەرلەمانی عێراقدا: 527077

 

نرخی کورسی: 21,961.54166666667

پارتی: 413890 دەنگ

کورسیی پارتی: 18.84612685

یەکگرتوو: 72986 دەنگ

کورسیی یەکگرتوو: 3.323355032

هەڵوێست:  18322 دەنگ

کورسیی هەڵویست: 0.834276586

نەوەی نوێ: 14674 دەنگ

کورسیی نەوەی نوێ: 0.668168029

 

 

پارتی: 19 کورسی

یەکگرتوو: 3 کورسی

هەڵوێست: 1 کورسی

نەوەی نوێ: 1 کورسی

 

 

پارتی: 43 کورسی

یەکێتی: 21 کورسی

یەکگرتوو: 10 کورسی

هەڵوێست: 9 کورسی

نەوەی نوێ: 8 کورسی

کۆمەڵ: 3 کورسی

بەرەی گەل: 1 کورسی

 

 

پارتی: 39 کورسی

یەکێتی: 23 کورسی

نەوەی نوێ: 15 کورسی

یەکگرتوو: 7 کورسی

هەڵوێست: 4 کورسی

کۆمەڵ: 3 کورسی

بەرەی گەل: 2 کورسی

هاوپەیمانیی هەرێمی کوردستان: 1 کورسی

گۆڕان: 1 کورسی

 

 

پارتی: + 4 کورسی

یەکێتی: - 2 کورسی

نەوەی نوێ: -7 کورسی

یەکگرتوو: + 3 کورسی

هەڵوێست: + 5 کورسی

بەرەی گەل: - 1 کورسی

کۆمەڵ: 0 کورسی