دەزگای ئاسایشی هەرێمی کوردستان دەستگیرکردنی '30 تیرۆریست' رادەگەیێنێت

 

رۆژی پێنجشەممە، 22ـی شوباتی 2024، دەزگای ئاسایشی هەرێمی کوردستان لە راگەیێندراوێکدا گوتی: "رۆژی 21-10-2023 بەڕێوەبەرایەتی ئۆپەراسیۆنەکانی دەزگای ئاسایشی هەرێم زانیارییان دەستکەوت لەسەر بوونی دوو گروپ لە دەڤەری ( پشدەر و بتوێن) لە رێگای تۆڕەکۆمەڵایەتییەکانەوە فکرەی توندڕەویان وەرگرتووە و پیلانیان هەبووە بچنە ریزەکانی داعش و ببنە چەکداری ئەو گرووپە تیرۆریستی یە." 

 

دەزگای ئاسایشی هەرێمی کوردستان دەشڵێت، "ئەوانە ماوەی 20  رۆژ خرانە ژێرچاودێری بەردەوام و  پاشان بەڕەزامەندی دادوەر لە ئۆپراسیۆنێکدا 15-12-2023 لە قەڵادزێ 10  تیرۆریست دەستگیرکران و دووانیان ئافرەتن." 

 

بەگوێرەی راگەیێندراوەکە، دواتر لێکۆڵینەوەکان چڕکرانەوە و لە هەڵمەتێکی بەرفراوان و چەند ئۆپراسیۆنێکی جیاجیای هێزەکانی ئۆپراسیۆن لە 17-12-2023 لە رانیە، قەڵادزێ، ژاراوە، حاجی ئاوا، شکارتە "20 تیرۆریستی تر دەستگیرکران و رووبەڕوی یاساکرانەوە."