لە سێ ناوچەی هەرێمی کوردستان پشووی خوێندن درێژکرایەوە

 

دوێنێ، پارێزگای هەڵەبجە رایگەیاندبوو، بەهۆی بەفربارین و سەرماوە، یەکشەممە، 23-02-2025، لە سەرجەم ناوەندەکانی خوێندن لە سنووری تەوێڵە و بیارە پشووی فەرمییە. 

 

ئەمڕۆ یەکشەممە، لەسەر پێشنیازی ئازاد تۆفیق، پارێزگاری هەڵەبجە، بڕیاردرا پشوو لە تەوێڵە و بیارە درێژبکرێتەوە و سبەینێش بکرێتە پشوو.

 

ئەو پشووە، خوێندکارانی دەرەکیی پۆلی 12 ناگرێتەوە.

 

دوێنێ لە چۆمانیش کرایە پشوو. ئەمڕۆ یەکشەممە، قایمقامی چۆمان بە تۆڕی میدیایی رووداوی گوت، پشوو درێژکرایەوە و سبەی لە تەواوی خوێندنگە و فەرمانگە حکومییەکان پشووە. 

 

سێ رۆژە شەپۆلێکی بەفر و بارانبارین هەرێمی کوردستانی گرتووەتەوە. لە زۆرینەی ناوچە شاخاوییەکان و لەنێو سەنتەری سلێمانی، بەفر باریوە و پلەکانی گەرما دابەزیون.