مستەفا هیجری سەبارەت بە پیرۆزبایی نەکردنی پارتی و یەکێتی لە یەکگرتنەوەی دیموکرات: ئەوەم پێ هەڵوێستێکی دروست نییە

 

 

مستەفا هیجری: ئێمە رێککەوتووین دوای یەکگرتنەوەکەمان کە بەشێوەی فەرمی دوو رۆژ پێش ئێستا بوو (21-08-2022)، ئەوپەڕی تاوەکو ساڵێک کۆنگرە دەبەستین.

 

 

مستەفا هیجری: نا، گومان ناکەم دروشم و ئامانجەکانمان بگۆڕدرێن. چونکە تاوەکو ئێستا کێشەیەکمان لە پرسیارێکی ئەوتۆ لەسەر سیاسەت و بەرنامەکانمان لە حیزبدا نییە.

 

 

مستەفا هیجری: ئەوانە بەشێکی هەرە زۆریان لە ئۆرگانەکانی حیزبیدا کاریان هەیە و بە کارەکانی خۆیان سەرقاڵن. ئێمە لەو نێوانەدا هەندێک گرووپمان دروستکردووە بۆ تێکەڵکردنەوەی ئۆرگانەکان، پێڕاگەیشتن بە نووسینەوەی ئاییننامەکان و شێوەی هەڵسوکەوتی تازە لەنێو ئۆرگانەکانی حیزبی. چونکە ئێستا ئێمە ماوەی 16 ساڵ ئەو دوو لایەنە بە جیاواز کارمان کردووە ئاییننامەی جیاوازمان هەبووە، ئێستا دەبێت هەموو ئەوانە رێکبخەینەوە. ئەوانەی کە دەشمێننەوە لەو گرووپانە کاردەکەن.

 

 

مستەفا هیجری: بەڵێ، هەمووی پێش کۆنگرە دەکرێت.

 

 

مستەفا هیجری: بەڵێ، لە ماوەی ئەو یەک ساڵە ئەو رێبەرایەتیە کاتییەی پێکهێندراوە، دوو کاری سەرەکی هەیە. یەکەمیان رێکخستنەوەی ئۆرگانەکان، نووسینەوەی ئاییننامە و ئامادەکاری بۆ پێکهێنانی کۆنگرە.

 

 

مستەفا هیجری: راستیەکەی ئێمە کارێکمان کردووە لە رێککەوتنەکانماندا کە ئەو خاڵە جێگیرانەی لەشێوەی بەڕێوەبردنی حیزبی دیموکراتی کوردستاندا هەبووە و ئەوانەشی لە حیزبی دیموکراتی کوردستانی ئێراندا هەبووە، ئەو گرووپانەی کە باسم لێوە کرد، دادەنیشین سەر لەنوێ ئەوان رێکدەخەنەوە. کۆمەڵێک لەو خاڵانە کە لە هەردوولادا هەیە، ئەوانە دەکەنە بەرنامەی کار بۆ ئەوەی حیزب لەوە بەدوا بەپێی ئەو بەرنامانە و ئەو خاڵانە بەڕێوەبچێت.

 

 

مستەفا هیجری: نەخێر، لەسەر هەموو ئەوانە رێککەوتن کراوە.

 

 

مستەفا هیجری: نا، ئسوڵەن لە حیزبی دیموکراتی کوردستانی ئێراندا سکرتێر یان کەسی یەکەم جا هەر ناوێکی هەبێت، لە واقیعدا بەڕێوەبەری بڕیارەکان کۆمیتەی ناوەندییە. بۆخۆشی ئەندامێکە لە ئەندامەکانی کۆمیتەی ناوەندی، سەرجەمیان پێکەوە لە دیاریکردنی بەرنامەکان، یاساکان، سیاسەتگوزارییەکان و کارە رێکخستنەکان پێکەوە تاوتوێی دەکەن و دەگەنە بڕیاری کۆتایی بە زۆرینە. ئەو بڕیارە هەموو دەبێت بەڕێوەی ببەن، کەسی یەکەم بەشێکە لەوان دەبێت بەڕێوەی بەرێت. جگە لەوە بەرپرسیاریێتی هەیە لەوەی چاودێری بەسەر چۆنییەتی بەڕێوەچوونی باشی ئەو بڕیارانە بکات. 

 

 

مستەفا هیجری: بەڵێ دەبێتە سکرتێری گشتی.

 

 

مستەفا هیجری: نا، لە حیزبی دیموکراتدا هیچ کات ئەمە نەبووە.

 

 

مستەفا هیجری: لەلایەکەوە دەبێت بڵێم بەڵێ، چونکە پێچەوانەیە لەگەڵ دیموکراسی. بەڵام ئەگەر وردبینەوە هەرکام لە دوو حیزبە کە ئێستا یەکیان گرتووەتەوە، ئەو بەرنامەیەی کە دایانناوە و ئەو بڕیارانەی کە کۆنگرە داویەتی، بۆ خودی ئەو حیزبەی داوە.

ئێستا ئێمە دوو حیزبین، بۆ ئەوەی بتوانین یەکبگرینەوە دەبێت رێکبکەوین، ئەو رێککەوتنەی کە دەیکەین رەنگە بەشێکی پێچەوانەی ئەو بڕیارانە بێت کە ئێمە وەک حیزبی دیموکراتی کوردستانی ئێران لە کۆنگرە داومانە هەروەها بۆ لایەنەکەی دیکەش هەر وایە. بۆیە ئەو قۆناخەی کە ئێمە ئێستا کاری لەسەر دەکەین، لە واقیعدا قۆناخێکی راگوزەرە بۆ ئەوەی حیزب یەکبگرێتەوە کە یەکی گرتەوە، ئەو دەمە کۆنگرەی ئاسایی بەپێی بڕیارێک کە خودی کۆنگرە دەیدا.

 

 

مستەفا هیجری: ئێمە ئێستا لەو قۆناخەداین کە ئۆرگانەکان تێکەڵ بکەینەوە، هەندێک ئۆرگان هەیە کارەکانیان ئەولەویەتی هەیە.. بۆ نموونە راگەیاندن یەکێک لەوانەیە کە دەبێت زۆر زوو ببێتەوە یەک، چونکە راگەیاندنی حیزب دەبێت یەک سیاسەتی هەبێت، ئەمەش هەر لە دوێنێوە دەستیپێکراوە. دوای ئەو ئۆرگانەکانی دیکە بەپێی ئەولەویەت کە پێشیانە یەک یەک ئەمانە رێکدەخرێنەوە، بەڵام ئەمە بە مانای ئەوە نییە کە راوەستن تا ئۆرگانێک تەواو دەبێت بچینە سەر ئۆرگانێکی دیکە، بەڵکو گرووپ دروست دەکەین لەسەر ئەوەش رێککەوتن کراوە بۆ ئەوەی ئەو ئۆرگانانەی هاوتەریب پێکەوە رێکبخرێنەوە بۆ ئەوەی کاتمان زۆر نەگرن.

 

 

مستەفا هیجری: فەرماندەیی پێشمەرگەش وەکو ئۆرگانەکانی دیکەیە، کە یەکێکە لە ئۆرگانەکانی حیزب. ئەو ئاییننامەیەی کە حیزبی دیموکراتی کوردستان هەیەتی لەگەڵ ئەوەی ئێمە تێکەڵ بەیەک دەکرێت و خاڵە بەهێزەکانی کە ئێستا پێویستن دەردەهێندرێن و دەبێتە ئاییننامەیەکی تازە.

 

 

مستەفا هیجری: ئەوەی تاوەکو ئێستا ئێمە لە کاروباری پێشمەرگەدا کردوومانە، هیچ گۆڕانکارییەکی بەسەدا نایەت. بەڵام ئەمە بەستراوەتەوە بە ئاڵوگۆڕی ناوچەکە و سیاسی ناوچەکە، بەوانەوە بەستراوەتەوە. کاروباری پێشمەرگایەتیش وەکو یەکێک لە ئۆرگانەکان شوێنکەوتەی دۆخی سیاسی حیزبە.

 

 

مستەفا هیجری: هەر ئەندامێک بە هەر هۆیەک بێت لەلایەکەوە چووبێتە لایەکەی دیکە و قبووڵکرابێت، ئێستا قبووڵکراوە وەکو ئەندامی حیزبی دیموکراتی کوردستانی ئێران. بەپێی بڕیارەکان و ئاییننامەکانی حیزبی دیموکراتی کوردستانی ئێران دەبێت کار و رەفتار بکات، ئەگەر سەرپێچی بکات ئەوکات بڕیاری لەسەر دەدرێت.

 

 

مستەفا هیجری: راسان بەرنامەیەکی فرە رەهەندی حیزبییە کە لە واقیعدا پێشی یەکگرتنەوەش ئەو هاوڕێیانەی دیکەمان باوەڕیان پێی بوو. راستیەکەی ئێمە کار و بەرنامەکانمان کە تەنیا یەک رەهەند یان دوو رەهەند قەتیس نەکردووەتەوە. بەپێی دۆخی سیاسیمان و جوگرافیمان لە هەر شێوەیەکی خەبات بۆمان بکرێت، درێژە بە خەباتەکەمان دەدەین. بەشێک لەو خەباتەش خەباتی پێشمەرگانەیە کە ئێمە هەردوولامان ئەو بەشەمان هەیە، پێش جیابوونەوەش هەمانبووە، لەکاتی جیابوونەوەش هەمانبووە، ئێستاش هەروەکو خۆی دەمێنێتەوە.

 

 

مستەفا هیجری: بەڵێ، تا ئەو کاتەی کە ئێمە خەباتمان لەگەڵ رژێمی کۆماری ئیسلامیی ئێران هەیە، پێشمەرگەش بەشێکە لە هێزی حیزب و دەمێنێتەوە و بەهێزتر دەکرێت.

 

 

مستەفا هیجری: ئێمە لەنێوخۆی وڵاتدا چالاکی پێشمەرگەمان هەیە، واتا پێشمەرگە نانێرینەوە. بەڵام پێشمەرگەمان ئامادەیە لە هەر گۆڕانکارییەک و کاتێک بتوانێت ئەرکی خۆی بەو جۆرەی کە حیزب پێی دەسپێرێت جێبەجێی بکات.

 

 

مستەفا هیجری: ئەمە قسەی لەسەر دەکرێت، ئێمە کە هێشتا یەکمان نەگرتبووەوە جاری وا هەبوو زۆرتر لەو شێوەیە لە خەباتی پێشمەرگە کەڵکمان وەردەگرت جاری وا هەبوو کەمتر. بۆ نموونە ئەمساڵ پێشمەرگەمان نەناردووەتەوە نێوخۆی وڵات. بەڵام پەیوەستە بە دۆخەکەوە، لەوبارەوە پێموانییە هیچ کێشەیەک هەبێت.

 

 

مستەفا هیجری: پێموایە کۆماری ئیسلامی ئێران هیچ شتێک نەماوە دژی ئێمە نەیکات، لەوە بەدواش هەر وادەبێت. ئێمەش ئامادەییمان هەیە بەپێی توانای خۆمان لە بەرامبەر پلانەکانی کۆماری ئیسلامیی ئێراندا رابووەستین.

 

 

مستەفا هیجری: پێشبینی هەموو ئەگەرێک لەلایەن کۆماری ئیسلامییەوە دەکەین، چونکە لە رابردووشدا کۆماری ئیسلامی زۆر جاری وا هەبووە هەڕەشەی کردووە هەڕەشەکانیش خۆشی بە کردەیی کردووە. بۆیە ئێمە لەباری ئەمنی و پێشمەرگەوە ئەو ئامادەییەمان هەیە.

 

 

مستەفا هیجری: ئەوە وەکو داوایەک هاتووەتە ئاراوە لە ژێر گوشاری کۆماری ئیسلامیی ئێراندا، بەڵام ئێمە تاوەکو ئێستا پێشمەرگەمان هەر لە شاخە و پێشمەرگەمان نەهێناوەتە خوارەوە.

 

 

مستەفا هیجری: بەڵێ داوایان کردووە، بەڵام پێشمەرگەکانمان هەر لە سنوور ماونەتەوە.

 

 

مستەفا هیجری: لە رێگەی حکومەتەوە بووە.

 

 

مستەفا هیجری: بێگومان کاتێک لە باشوورین پێشمەرگەشمان لەسەر خاکی باشوورە لە سنوورەکان، بێگومان دۆخی سیاسی و جوگرافیایی هەرێمی کوردستان لەبەرچاو دەگرین. زۆرجاریش گوتوومانە بە کردەوەش نیشانمانداوە کە ئێمە ئەم حکومەتە بە حکومەتی خۆمان دەزانین، لە پێشدا حکومەت بەشێکە لە کوردستان، بێجگە لەوە ئێمە بۆ خۆشمان لەو جوگرافیایەدا دەژین و کار و چالاکی دەکەین، بۆیە هەمیشە کارمان کردووە بەشێوەیەکی هاوسەنگ رەفتار بکەین کە نە لە چالاکی تێکۆشان بکەوین، نە دۆخێکی وا بێنینە کایەوە کە کۆماری ئیسلامیی ئێران گوشاری زیاتر بخاتە سەر هەرێمی کوردستان. هەرچەند کۆماری ئیسلامیی ئێران بەپێی سیاسەت کە دژی کوردە لە هەر جێگایەک بێت، تەنانەت ئەگەر ئێمە لە سنووریش نەمێنین، تەنانەت لە خاکی عێراقیش نەمێنین کۆماری ئیسلامی گوشارەکانی لەسەر حکومەتی هەرێمی کوردستان کەمناکاتەوە، بەڵکو هەمیشە پاساوی هەیە، بەڵام ئێمە نامانەوێت ئەو پاساوانە بدەین بە دەستیانەوە.

 

 

مستەفا هیجری: پێموابێت ئەوەی کە کۆماری ئیسلامی گوشار بۆ حکومەتی هەرێمی کوردستان دەهێنێت، لەسەر بوونی ئێمە وەکو ئۆپۆزسیۆنی کوردی ئێرانی بەشێکی زۆری پاساوە پێیان دەگرێت.

 

 

مستەفا هیجری: تا ئێستا ئەوەمان نەبینیوە.

 

 

مستەفا هیجری: ئەمە جیا لەوەی کە رەچاوی کۆماری ئیسلامیی ئێران دەکەن هیچی دیکەی تێدا نابینم، چونکە دەزانم خەڵکی باشوور و رۆژهەڵات وەکو بەشەکانی دیکەی کوردستان یەکگرتنەوە و یەکڕیزی هێزەکانی کورد دڵخۆشن، بەڵام ئەو تێبینییەیان هەیە کوردی باشوور. هەرچەند زۆر لە کەسایەتی سیاسی ئەوانەی لە حیزبەکاندان بە تەلەفۆن و نامە پیرۆزباییان لێکردووین و خۆشحاڵی خۆیان دەربڕیوە، بەڵام نەبووەتە پیرۆزباییەکی فەرمی لەلایەن حیزبەکانەوە بەناوی حیزبەوە.

 

 

مستەفا هیجری: هی سەرکردایەتیشی تێدایە.

 

 

مستەفا هیجری: لەگەڵ ئەوەی هەست بە پێگەی سیاسی ئەوان دەکەم، ئەو گوشار و گرفتە سیاسییانەی هەیانە هەستی پێدەکەم، بەڵام لەگەڵ ئەوەشدا ئەوەم پێ هەڵوێستێکی دروست نییە، چونکە پیرۆزبایی کردن لە سەرکەوتنێک کە کورد بە دەستی بهێنێت لەوە گەورەترە ئەوەندە رەچاوی رژێمی کۆماری ئیسلامی ئێران بکەن.

 

 

مستەفا هیجری: بەڵێ.

 

 

مستەفا هیجری: نەخێر، ئێمە لەسەر دانوستان لەگەڵ رژێمی کۆماری ئیسلامیی ئێران لەو رێککەوتنەدا باسمان لێوە نەکردووە، چونکە هەردوو لامان پێش یەکگرتنەوەش مێژووێکی هاوبەشمان لە پەیوەندی لەگەڵ دانوستان لەگەڵ رژێمی کۆماری ئیسلامیی ئێراندا کردووە.

لە سەرەتای هاتنە سەرکاری کۆماری ئیسلامییەوە هەمیشە حیزبی دیموکراتی کوردستانی ئێران لەگەڵ ئەوە بووە کە کێشەکانی لەگەڵ تاران لە رێگای ئاشتی و دیالۆگەوە چارەسەر بکات. بۆ ئەوەش هەنگاوی گەورەمان هاویشتووە، شەهیدی گەورەی وەکو دکتۆر قاسملۆمان داوە.

 

 

مستەفا هیجری: ئەگەر بە بڕوایە بگەین کە کۆماری ئیسلامیی ئێران بەڕاستی گەیشتووەتە ئەو بڕوایەی کە داخوازییەکانی کوردی رۆژهەڵات لە رێگەی دیالۆگەوە چارەسەر بکات، بەڵێ لەگەڵی دادەنیشین و وتوێژیشی لەگەڵ دەکەین.

 

 

مستەفا هیجری: ئێمە لە ناوەندی هاوکاری رێککەوتنەکانمان بە زۆرینەیە، لە هەر بڕیارێکدا ئەگەر یەک لایەن رازی نەبێت بڕیارەکە نادرێت.

 

 

مستەفا هیجری: بەڵێ.

 

 

مستەفا هیجری: پەیوەندییەکی ئەوتۆمان نییە، چەند جارێک لەگەڵیان دانیشتووین، بەڵام بڵێی پەیوەندییەکی گەرم و گوڕ و زۆرمان نییە. 

 

 

 

مستەفا هیجری: ئێمە لەگەڵ هەردوو لایەن تا ئێستا پەیوەندیمان هەبووە، پێمان باشە ئەو پەیوەندییە هەر درێژەی پێبدرێت. یەکێکیش لەو بڕیارانەی کە داومانە، لە ناوەندی هاوکاریش ئەو بڕیارە دراوە ئەوەیە کە ئێمە وتوێژ بکەین لەگەڵ ئۆپۆزیسیۆنی ئێرانی لەگەڵ ئەوانەی کە بەخۆیان دەڵێن، مەشروتخواز و موجاهیدین.