کۆڕەک تێلیکۆم: نادادپەروەری بەرامبەر بە کۆمپانیاکەمان دەکرێت

 

رۆژی دووشەممە، 23ـی تشرینی یەکەمی 2023، کۆمپانیای کۆڕەک تێلیکۆم لە راگەیێندراوێکدا گوتی، سەرەڕای "ئەو نادادپەروەرییەی کۆمپانیاکەمان رووبەڕووی بووەتەوە و بەرامبەری کراوە و بەردەوامیشە، هەروەها ئەو هەنگاوە نایاسایییانەی کە لەلایەن کۆمیسیۆنی پەیوەندییەکان و میدیاوە بەرامبەرمان گیراوەتە بەر بە نەخستنە رووی راستیی تەواو و پێدانی زانیاری ناتەواو بە دەسەڵاتی دادوەری." 

 

کۆمپانییاکەی بواری پەیوەندی ئاماژە بەوە دەکات، "هیچ لایەنێک مافی ئەوەی نییە بڕیار بدات بە داخستنی کۆمپانیایەکی خزمەتگوزاری پەیوەندییەکان کە زیاتر لە حەوت ملیۆن بەشداربووی هەیە." 

 

ئەوە لەکاتێکدایە کە دوێنێ یەکشەممە، 22-10-2023، دەستەی راگەیاندن و پەیوەندییەکانی عێراق راگەێیندراوێکی لەبارەی کۆمپانیای کۆڕەک تیلیکۆمەوە بڵاوکردەوە، تێیدا هاتووە: "بە پشتبەستن بە بڕیارەکانی دادگە کە لە دادگە تایبەتمەندەکان دەرچووە، لەگەڵ بڕیارەکانی ئەنجوومەنی کۆمیسیۆن و ئەو بڕە پارانەی لەسەر کۆمپانیاکە هەیە و تاوەکو ئێستا نەدراوە، سەرباری هەموو گوتوێژ و دانووستانەکان لەگەڵ کۆمپانیاکە چوار خاڵ دەخەینەڕوو کە ئەمانەن:"

 

- دەستەکە فەرمانیکرد بە راگرتنی کڕین و مامەڵەکردنی سیمکارتی نوێی تایبەت بە کۆمپانیای کۆڕەک تێلیکۆم.

- داوا لە هاووڵاتیان دەکەین هیچ سیمکارتێکی نوێی کۆمپانیای کۆڕەک نەکڕن.

- دەستەکە جەختدەکاتەوە پێویستە بریکار و نووسینگەکانی فرۆشتن هیچ سیمکارتێکی نوێی کۆمپانیاکە نەفرۆشن و مامەڵەی پێوەنەکەن، چونکە رووبەڕووی رێکاری یاسایی دەبنەوە.

- دەستەکە بەنیازە لەماوەی 10 رۆژدا پەیوەندییەکان لە نێوان کۆمپانیاکە و کۆمپانیاکانی دیکەی مۆبایل لە وڵات ببڕێت، لە رۆژی دەرچوونی ئەم راگەێیندراوەوە تاوەکو ئەو کاتەی کۆمپانیاکە پابەندبوونە داراییەکانی بەجێدەگەیەنێت.

 

لای خۆیەوە، کۆڕەک تێلیکۆم دەڵێت، ئەوان بەردەوامن لە "پێشکەشکردنی خزمەتگوزارییەکانمان بۆ هاووڵاتییان، وەک کۆمپانیاکەمان پەنای بۆ دەسەڵاتی دادوەری بردووە و سکاڵای یاسایی تۆمار کردووە بۆ داواکردنی مافەکانی، کۆمیسیۆنی پەیوەندییەکان و میدیاش ئاگاداری ئەوەیە و بەڵگەی ئەمەش ئامادەبوونی نوێنەرانی خۆیەتی لە هەموو دانیشتنەکانی داواکەدا، هەروەها فەرمانی دەوڵەت لەلایەن دەسەڵاتی دادوەرییەوە دەرچووە کە کۆمیسیۆن پابەند بێت بەوەی هێرش نەکاتە سەر کۆمپانیاکەمان تاوەکوو ئەم داوایە یاسایییانە یەکلایی نەکرێنەوە، بەڵام کۆمیسیۆن دانیان پێدا نەناوە و پابەند نەبوونە بە ناوەڕۆکی ئەو فەرمانانەی کە لەلایەن دەسەڵاتی دادوەرییەوە دەرکراون.

 

 

بەمەبەستی رونکردنەوە بۆ ری گشتی عێراقی، دەسەڵاتی دادوەریی عێراق، ئەنجوومەنی نوێنەرانی عێراق، حکومەتی عێراق، و دەسەڵاتە ئایینییەکان، خودا دەوامی سایەیان بدات.

 

دەمانەوێت ئاگاداریان بکەینەوە لەو کارە نایاسایییانەی کە بەرامبەر کورەک تیلیکۆم روو دەدەن، تاکە کۆمپانیای نیشتمانی لەسەر ئاستی عێراق لە بواری پەیوەندییەکاندا. مایەی سەرسووڕمان بوو بۆمان لە دەرکردنی بەیاننامەیەک بۆ ڕای گشتی عێراق، لە بیست و دووی مانگی تشرینی یەکەمی ئەمساڵدا لەلایەن دەستەی پەیوەندییەکان و ڕاگەیاندنی عێراقەوە کە هاووڵاتییانی لەو کارە ئاگادار دەکاتەوە و ئەو ڕێوشوێنە نایاسایییانەی کە لەلایەن ئەوانەوە بەرامبەر کۆمپانیاکەمان گراوتەبەر. هەست دەکەین کە پێویستە هەڵوێستی خۆمان بەم شێوەیە ڕوون بکەینەوە:

 

یەکەم: ئێمە پابەند بووین و هەمیشە پابەندین بەو یاسا و رێنمایییانەی کە لەلایەن دامەزراوە فەرمییەکانی وڵاتەوە دەردەچن، وەک چۆن لە هەوڵەکانماندا شکستمان نەهێناوە بۆ کۆتاییهێنان بەو ناکۆکییانەی کە لە ئەنجامی ئەو خراپ بەکارهێنانەی کە لە نێوانماندا روویان داوە کۆمپانیا لە سەرەتای بەدەستهێنانی مۆڵەتەوە تا ئەمڕۆ لەلایەن دەسەڵاتەوە تووشی بووە، سەرچاوەی سەرسووڕمانمان لە لێدوانەکەی کۆمیسیۆن لەوەدایە کە لەگەڵ دەستەی میدیا و پەیوەندییەکان بۆ چارەسەرکردنی کێشەکانی نێوانمان لە قۆناخە پێشکەوتووەکانی گفتوگۆدا بووین، کە بنەمای هەڵەیەکی بنەڕەتی بوو لەلایەن خۆیەوە لە بێبەشکردنی ئێمە لە مافە جێگیرەکان لە گرێبەستی مۆڵەتدان. دواین دەستپێشخەری لەلایەن ئێمەوە کە پێشکەشمان کرد لە رێگەی نووسراوێکی فەرمی ژمارە 9965 - 2023 لە ڕێکەوتی 10/3/2023 کە ئێمە ئامادەیی خۆمان دەربڕی بۆ یەکلاییکردنەوەی ئەو بڕە پارانەی کە دەسەڵات داوای کردووە، و پێشنیازەکانمان بۆ یەکلاییکردنەوەی هەموو بابەتە دارایییەکان بە شێوەیەکی فەرمی و بەپێی ئەوەی یاساکە دیاری دەکات، کە ئێمە لە کۆبوونەوەیەکی هاوبەشدا کە لە 8/17/2023 لە بارەگای دەسەڵات بەڕێوەچوو لەگەڵ سەرۆکی دەسەڵات، لەسەری ڕێککەوتین، بەڵام خۆیان لە وەڵامدانەوەی پێشنیازەکانی یەکلاکردنەوەمان بە دوور گرت و بە لێدوانێک سەرسامیان کردین کە لەلایەن میدیای جۆراوجۆرەکانەوە بڵاو کرایەوە.

 

دووەم: سەرەڕای ئەو نادادپەروەرییەی کۆمپانیاکەمان ڕووبەڕووی بووەتەوە و بەرامبەری کراوە و بەردەوامیشە، هەروەها ئەو هەنگاوە نایاسایییانەی کە لەلایەن کۆمیسیۆنی پەیوەندییەکان و میدیاوە بەرامبەرمان گیراوەتە بەر بە نەخستنە رووی راستیی تەواو و پێدانی زانیاری ناتەواو بە دەسەڵاتی دادوەری، بەڵام ئێمە بەردەوامین لە پێشکەشکردنی خزمەتگوزارییەکانمان بۆ هاووڵاتییان، وەک کۆمپانیاکەمان پەنای بۆ دەسەڵاتی دادوەری بردووە و سکاڵای یاسایی تۆمار کردووە بۆ داواکردنی مافەکانی، کۆمیسیۆنی پەیوەندییەکان و میدیاش ئاگاداری ئەوەیە و بەڵگەی ئەمەش ئامادەبوونی نوێنەرانی خۆیەتی لە هەموو دانیشتنەکانی داواکەدا، هەروەها فەرمانی دەوڵەت لەلایەن دەسەڵاتی دادوەرییەوە دەرچووە کە کۆمیسیۆن پابەند بێت بەوەی هێرش نەکاتە سەر کۆمپانیاکەمان تاوەکوو ئەم داوایە یاسایییانە یەکلایی نەکرێنەوە، بەڵام کۆمیسیۆن دانیان پێدا نەناوە و پابەند نەبوونە بە ناوەڕۆکی ئەو فەرمانانەی کە لەلایەن دەسەڵاتی دادوەرییەوە دەرکراون.

 

سێیەم: دەبێت بۆ هەموو لایەک روون بێت کە هیچ لایەنێک مافی ئەوەی نییە بڕیار بدات بە داخستنی کۆمپانیایەکی خزمەتگوزاری پەیوەندییەکان کە زیاتر لە حەوت ملیۆن بەشداربووی هەیە، تەنانەت ئەگەر ئەو بیانووەی کە سەرۆکی دەستە ئاماژەی پێ دەدات ئەوە بێت کە کۆمپانیا بڕە پارەیەکی لەسەرە و دەبێت بیدات، کۆکردنەوەی ئەم بڕە پارانە بەپێی ئەو چوارچێوەیە دەبێت کە لە یاساکەدا دیاریکراون، جا لە ڕێگەی دانانی پاسەوانی دادوەرییەوە بێت یان هەر رێکارێکی تر کە یاسا دیاری کردووە، و نەک ئەوەی کە ئێستا دەیکەن بۆ بەهێزکردنی رکابەرەکان لەسەر حیسابی کۆمپانیا نیشتمانییەکەمان و راگرتنی خزمەتگوزاری حەوت ملیۆن هاووڵاتی و ببێتە هۆی راگرتنی کاری هەزاران کارمەندی راستەوخۆی پەیوەست بە کارکردن لەگەڵ کۆمپانیاکەمان بە شێوەیەکی راستەوخۆ یان ناڕاستەوخۆ.

 

چوارەم: ئێمە باوەڕمان وا بوو و ئێستاش پێمان وایە چارەسەرکردنی ناکۆکییەکان لە رێگەی کەناڵە فەرمییەکان و کۆبوونەوەی دانوستانکاریی بۆ گەیشتن بە چارەسەرێک کە بتوانرێت جێبەجێ بکرێت، و بژاردەی تر پەنابردن بۆ دەسەڵاتی دادوەری بێت، بەو پێیەی دەزگایەکی بێلایەن و متمانە پێکراوە، و ئەرکە بۆ ئەوەی هەمووان قسەی کۆتایی خۆیان لەم جۆرە ناکۆکییانەدا هەبێت کە لە هەندێک حاڵەتدا لە هەر کارێکی بازرگانیدا روو دەدات، بەبێ گوێدان بەهای ئەخلاقی لایەنە ناکۆکەکان و قەبارەی کارەکە، ئەمە مافی کۆمپانیای کورەک تیلیکۆمە کە لە ماوەی ١٥ ساڵ دا خۆی لە میدیایی کردنی بابەتەکە بە دوور گرتووە، سەرەڕای ئەو بەڵگەنامە فەرمییانەی کە کۆمپانیای کورەک خاوەنیەتی کە بریتین لە راستییە چەسپاوەکان و ئەنجامی لێکۆڵینەوە فەرمییەکان کە مافی کۆمپانیای کورەک دەسەلمێنن و رادەی ئەو نادادپەروەرییە ئاشکرا دەکەن کە کۆمپانیاکە ماوەی ١٥ ساڵە تووشی بووە. بەڵام لایەنی بەرامبەر پەنابردن بۆ رای گشتی هەڵبژارد وەک جێگرەوەیەک بۆ دانوستان و پەیڕەوکردنی شێوازە یاسایییەکان بۆ گەیشتن بە چارەسەر.

 

پێنجەم: نەک هەر کۆمیسیۆن پابەند نەبوو بەو شتانەی کە لەلایەن دەسەڵاتی دادوەری عێراقەوە دەرچووە، بەڵکوو لەوەش زیاتر رۆیشت و ڕێوشوێنی ئیداریی توندی گرتە بەر، پراکتیزەکردنی نادادپەروەری بەرامبەر کۆمپانیاکەمان بە ئارەزووی خۆی کرد و بەردەوامی هەیە، کەشێکی ناتەندروستی بۆ دابینکردنی خزمەتگوزاری دروست کرد، و زیان بە مافەکانی بەشداربووان گەیاند و زیانیان پێ دەگەیەنێت لە رێگەی ڕێکارەکانی و لێدوانە دووبارەبووەکانییەوە، و بابەتەکە گەیشتە ئاستی سنووردارکردنی کارمەندانی کۆمپانیاکەمان لە ناوەندەکانی فرۆشتن

 

شەشەم: سەرەڕای ئەو نادادپەروەرییەی کە رووبەڕووی بووینەوە و بەردەوامە، جارێکی دیکە ئامادەیی خۆمان دەردەبڕین بۆ پێشکەشکردنی خزمەتگوزاری بۆ سەرجەم هاووڵاتییانی عێراق بەپێی ئەو مۆڵەتەی کە بە کۆمپانیاکەمان دراوە، بەو پێیەی ئەم مۆڵەتە بە فەرمانی دادگا بەردەوامە تا داوای یاسایی لە دادگاکانی عێراق یەکلایی دەکرێنەوە، لە هەمان کاتدا ئامادەیی خۆمان دەردەبڕین بۆ ئەوەی لەسەر مێزی گفتوگۆ لەگەڵ کۆمیسیۆن دابنیشین بۆ پەرەپێدانی چارەسەر ی بۆ هەموو ئەو کێشە و پرسانەی کە لە نێوانماندا هەیە، سەرەڕای ئەوەی کە ئیدارەی ئێستای کۆمیسیۆن هەمیشە سەرسەختە و ئارەزووی چارەسەرکردنی ئەو کێشانە ناکات و پابەند نییە بە فەرمانە دادوەرییەکان بەبێ هیچ رێگرییەک و لێپرسینەوەیەک.

 

حەوتەم: پێویستە ئەوە روون بکەینەوە کە هەموو ئەو بەڵگەنامانەی کە مافی کۆمپانیاکەمان دەسەلمێنن، دەهێڵینەوە، بەڵام ئێمە دەستپێشخەریمان نەکردووە بۆ بڵاوکردنەوەیان لەبەر نیگەرانی خۆمان کە ئەو بەڵگەنامانە بۆ زیانگەیاندنە بە بەرژەوەندی گشتی، بەتایبەتی ئەگەر وەربگێڕدرێنە سەر زمانی بیانی، ئەمەش ئەو بڕوایە لای وەبەرهێنەرانی بیانی دروست دەکات کە ژینگەیەکی سەلامەت بۆ وەبەرهێنان نییە، بەڵام لە عێراقدا ئەگەر پێداگری بکەین لەسەر چارەسەرنەکردنی هەموو کێشەکان و دادپەروەری بەرامبەر کۆمپانیاکەمان، ناچار دەبین بۆ ئاشکراکردنی بۆ ڕای گشتی.

 

هەشتەم: بۆ ئەوەی کۆمپانیاکەمان بە شێوەیەکی دادپەروەرانە کۆتایی بە هەموو کارەکان بهێنێت، داوا لە جەنابی سەرۆکی حکومەتی عێراق و بەڕێز سەرۆکی ئەنجوومەنی نوێنەرانی عێراق دەکەین لیژنەیەکی بێلایەن پێک بهێنن بۆ بەدواداچوون بۆ راستییەکان، بە پشتبەستن بە بەڵگەنامەکانی سەلماندنی مافەکانی کۆمپانیاکەمان و ئەو تۆمەتانەی کۆمیسیۆن بە مەبەستی گەیشتن بە راستییەکان وەک خۆی، نەک وەک ئەوەی خاوەن بەرژەوەندییەکان دەیانەوێت.