لە شرنەخ دەست بەسەر زێڕ، دۆلار و یۆرۆی قاچاخدا گیرا

 

 

بەڕێوەبەرایەتیی گشتیی ئاسایشی تورکیا، ئەمڕۆ هەینی 2024 ـی نیسانی 2026 رایگەیاند، بە سەرپەرشتیی سەرۆکایەتیی داواکاری گشتیی جزیر، تیمەکانی بەڕێوەبەرایەتیی ئاسایشی شرنەخ لە دژی تاوانی قاچاخچێتی ئۆپەراسیۆنێکیان دەستپێکردووە و لەو چوارچێوەیەدا رۆژی پێنجشەممە 23ـی نیسان لە شارۆچکەی جزیر ئۆتۆمبێلێک بە گومانی قاچاخچێتی راگیراوە و پشکنراوە.

 

لە ئۆپەراسیۆنەکەدا دەست بەسەر 115 کیلۆ و 939 گرام زێڕ، 90 هەزار و 600 دۆلار و 7 هەزار و 470 یۆرۆدا گیرا، کە بایی 590 ملیۆن لیرە (13.3 ملیۆن دۆلار) بووە.

 

لە ئۆپەراسیۆنەکەدا بە تۆمەتی قاچاخچێتی پەڕاوی لێکۆڵینەوە بۆ سێ کەس کرایەوە.