گوڵستان کڵچ کۆچیغیت بۆ رووداو: دیدارێکی زۆر ئەرێنیمان لەگەڵ رێبەر ئۆجەلان سازکرد

 

 

دوای ئەوەی رۆژی دووشەممە 24-11-2025 سەردانی دوورگەی ئیمراڵییان کرد و لەگەڵ عەبدوڵڵا ئۆجەلان، رێبەری زیندانیکراوی پەکەکە کۆبوونەوە، کۆچیغیت کە یەکێک لە سێ ئەندامی ئەو شاندەیە بە رووداوی گوت:"ئێمە ئەمڕۆ چووینە ئیمراڵی و دیدارێکی زۆر ئەرێنیمان لەگەڵ رێبەر ئۆجەلان سازکرد".

 

کۆچیغیت کە ئەندامی شاندەکەیە لە پشکی دەم پارتی، هەروەها گوتی: "ئێمە گوتوێژمان لەبارەی سەردانێکی دیکەی ئیمراڵی نەکردووە".

 

هەموو ئەمانە لەکاتێکدان ئێوارەی ئەمڕۆ دووشەممە 24-11-2025 سەرۆکایەتی پەرلەمانی تورکیا بڵاویکردەوە، شاندەکە سەردانی ئیمراڵیی کردووە و لەگەڵ عەبدوڵڵا ئۆجەلان کۆبوونەوەیەکی ئەرینیی سازکردووە. 

 

بەگوێرەی پلانی کۆمیسیۆنەکە، هەریەک لە حوسێن یایمان، پەرلەمانتاری ئاکپارتی، گوڵستان کڵچ کۆچیغیت، پەرلەمانتاری دەم پارتی و فەتی یڵدز، پەرلەمانتاری مەهەپە، ئەندامانی شاندەکەن بۆ چوونە ئیمرالی.