ئایاری ئەمساڵ زۆرترین کۆمپانیا لەسەر ئاستی تورکیا لە مەلەتی و وان دامەزراون

 

راپۆرتی یەکێتیی ژوور و بۆرسەی تورکیا تایبەتە بە ژمارەی ئەو کۆمپانیایانەی دادەمەزرێن و ئەوانەی دادەخرێن.

 

بەگوێرەی راپۆرتی تایبەت بە مانگی ئایاری 2023، پارێزگای مەلەتی پێشەنگی باکووری کوردستان و تورکیای گرتووە و تەنیا لەو مانگەدا 72 کۆمپانیای تێدا دامەزراوە؛ پارێزگای وانیش بە 50 کۆمپانیا لە پلەی دووەم دێت.

 

بە گوێرەی هەمان ئامار، لە خارپێت 36 کۆمپانیا، لە ئەرزەڕۆم 28 کۆمپانیا و لە بەدلیس 20 کۆمپانیا دامەزراون و بەو جۆرەش ئەو پارێزگایانە لە پلەکانی سێیەم و چوارەم و پێنجەم دێن.

 

هەروەها لە چەولیگ 18 کۆمپانیا، لە ئاگری 12 کۆمپانیا، لە مووش 11 کۆمپانیا، لە ئەرزینجان 9 کۆمپانیا، لە ئیدر 4 کۆمپانیا، لە قەرس 3 کۆمپانیا، لە جۆلەمێرگ 2 کۆمپانیا و لە دێرسیم 1 کۆمپانیا دامەزراون. پارێزگای ئەردەخانی باکووری کوردستان لە ئایاری ئەمساڵدا هیچ کۆمپانیایەکی تێدا دانەمەزراوە.

 

بەراورد بە ئایاری 2022 دامەزراندنی کۆمپانیا لە باکووری کوردستان 6.4٪ بەرزبووەتەوە.