پێشبینی دەکرێ لە چەند پارێزگایەکی باکووری کوردستان بەفر و باران ببارێت

 

 

کەشناسیی تورکیا دەڵێ، پێشبینی دەکرێ رۆژی چوارشەممە 28-01-2026 لە 10 پارێزگای باکووری کوردستان باران ببارێ و لە ناوچە بەرزەکانیش بەفر ببارێ.

 

بارانەکە لە پارێزگاکانی مەڵەتی، خارپێت، سەمسوور، رووها، ئامەد، ئێلیهـ، مێردین، سێرت، جۆلەمێرگ و شرنەخ دەبارێ؛ هەروەها لە بەرزاییەکانی مەڵەتی، خارپێت، ئامەد، جۆلەمێرگ و شرناخ بەفر دەبارێ.

 

لە هۆشدارییەکەی کەشناسیی تورکیادا هاتووە، پێویستە هاونیشتمانییان لەبارەی دۆخە نەخوازراوەکانی وەک دروستبوونی ئاستەنگ بۆ هاتووچۆ، شەختە لە ناوچە بەرزەکان و ئەگەری رەنووی بەفر لەو شوێنانەی بەفری زۆریان لێ کەوتووە، هۆشیار بن.