لە حاجی ئۆمەران گەنجێک بە گوللـەی تاپڕ گیانی لەدەستدا

 

عەبدولوەهاب مەحموود، بەڕێوەبەری ناحیەی حاجی ئۆمەران بە تۆڕی میدیایی رووداوی راگەیاند، "بەپێی زانیارییە سەرەتاییەکان گەنجەکە گوللـەی لەدەست دەرچووە و بەر خۆی کەوتووە." گوتیشی، تەرمەکەی رەوانەی دادپزیشکی سۆران کراوە. 

 

ئەو گەنجەی گیانی لەدەستداوە لەگەڵ خێزانەکەیان بە مەبەستی کشتوکاڵکردن لەحاجی ئۆمەران نیشتەجێن و خۆی خەڵکی سنووری ئیدارەی راپەڕینە.