یەکێتی سەرۆکی لیستەکەی بۆ هەڵبژاردن گۆڕی
بڕیار رهشید، گوتهبێژی دهزگای ههڵبژاردنی یهكێتیی نیشتمانیی كوردستان بە تۆڕی میدیایی رووداوی راگەیاند: "ئهرسهلان بایز، ئەندامی مەکتەبی سیاسی یەکێتیی نیشتمانیی کوردستان وهك سهرۆكی لیستی یهكێتی بۆ ههڵبژاردنی پهرلهمانی كوردستان دهستنیشانكراوه و لەماوەیەکی نزیکیشدا ناوی سەرجەم کاندیدەکان ئاشکرا دەکەین".
دوای چەند کاژێرێک لەو لێدوانەی بڕیار رەشید، یەکێتی بڕیاریدا قوباد تاڵەبانی بکاتە سەرۆک لیست.
گوتهبێژی دهزگای ههڵبژاردنی یهكێتیی نیشتمانیی كوردستان گوتیشی: "یهكێتی لهكاتی دیاریكراوی خۆیدا ناوی سهرجهم كاندیدهكانی پێشكهش به كۆمیسیۆنی سهربهخۆی ههڵبژاردن و راپرسی ههرێمی کوردستان دهكات".
ئەمڕۆ شەممە 28-7-2018، ئەنجوومەنی ناوەندی یەكێتیی نیشتمانیی كوردستان، كۆبوونەوەی نائاسایی بۆ پەسەندكردنی لیستی كاندیدەكانی بۆ هەڵبژاردنی خولی پێنجەمی پەرلەمانی کوردستان ئەنجام دەدات و دوای پەسەندكردنی لەلایەن ئەنجوومەنی ناوەندییەوە کاندیدەکان دەبنە کاندیدی فەرمی ئەو حیزبە.