گەلی شێرانە؛ شوێنێکی سەرنجڕاکێش بۆ گەشتیاران
رووداو - ئامێدی
گەلی شێرانە لە شارۆچکەی دێرەلوکی سەر بە قەزای ئامێدیییە و بووتە شوێنێکی گەشتیاری خۆش بۆ هاونیشتمانیانی کوردستان.
خەڵکی لەشارەکانی هەرێمی کوردستان و لەڕێگەی تۆڕە کۆمەڵایەتییەکانەوە ئاشنای ئەو شوێنە گەشتیارییە بوون، بەڵام بەهۆی سەختی رێگەکەوە تەنیا گەنجان دەتوانن روو لە ناوچەکە بکەن.
یەکێک لە هاونیشتمانیان کە بەمەبەستی خۆشی و مەلەکردن رووی لە سەیرانگای شێرانە کردبوو، بۆ (رووداو) گوتی " سەرەتا لەڕێگەی تۆڕە کۆمەڵایەتییەکان ئاشنای ئەو شوێنە بووم، ئێرە ناوچەیەکی گەشتیاری خۆشە و زۆر دڵگیرە".
لەسەرجەم پارچەکانی کوردستان خەڵکی و بەتایبەت گەنجان، روو لەو شوێنە گەشتیارییە دەکەن و کەیفخۆشی خۆیان دەردەبڕن.