لە وان هێرشكرایە سەر بنكەیەكی پۆلیس
رووداو- هەولێر
لە شاری وانی باكووری كوردستان هێرش كرایە سەر بنكەیەكی پۆلیس.
لە شارۆچكەی شاخ-ی سەر بە شاری وان، هێرشكرایە سەر بنكەی پۆلیسی چاتاك. بەپێی میدیاكانی توركیا هێرشەكە بە چەك و لەلایەن شەڕڤانانی هێزەكانی پاراستنی گەل HPG ەوە ئەنجامدراوە.
هێزە ئەمنییەكان وەڵامی هێرشەكەیان داوتەوە و دەستیان بەسەر قەناسێك و بیكەیسییەكدا گرتووە. هێرشكارەكانیش دوای هێرشەكە رایانكردووە.
بەپێی زانیارییەكان، بۆ گرتنەبەری رێوشوێنی پێویست، هێزی ئەمنی زیاتر رەوانەی شوێنی رووداوەكە كراوە.
میدیاكانی نزیك لە پەكەكە هەواڵەكەیان پشتڕاست نەكردووەتەوە و پەكەكە ئەنجامدانی هێرشەكەی لەئەستۆ نەگرتووە.