سلێمانی.. چیرۆکی رۆبۆتەکەی تووی مەلیک
رووداو - سلێمانی
لە شەقامی تووی مەلیکی شاری سلێمانی، پۆلیسێکی هاتوچۆ هەیە بە رۆبۆتی ئەو شەقامە ناسراوە، ئەمیش بەهۆی خۆشویستن و پابەندبوونیەتی بە کارەکەی.
ئەو پۆلیسە ناوی ئارییە و ماوەی شەش ساڵە لە شەقامی تووی مەلیک بە ئاماژەکانی دەستی، کارەکانی وەک پۆلیسی هاتوچۆ بەرجەستە دەکات.
ئاری بەهۆی ئەنجامدانی چەند جوڵەیەکی جیاواز لەکاتی کارەکەی، لەلایەن زۆربەی شوفێرانی شاری سلێمانی ناسراوە و نازناوی رۆبۆتی تووی مەلیکیان پێ بەخشیوە.