کۆتربازانی ئامەد 10 هەزار کۆتر ئازاد دەکەن

 

 

لەگەڵ نزیکبوونەوەی مانگی 12ی هەموو ساڵێک، چالاکیی "ئازادکردنی کۆترەکان" لەلایەن کۆتربازانی ئامەدی باکووری کوردستان بەڕێوەدەچێت. لە شارۆچکەکانی ئامەدەوە سەتان کۆترباز بەخۆیان و کۆمەڵێک کۆترێکەوە خۆیان دەگەیەننە شوێنی بەڕێوەچوونی چالاکییەکە. 

 

ئەمساڵ محەممەد باتماز، خاوەن بەخێوگەی کۆتر لە ئامەد چالاکییەکەی رێکخستووە.  باتماز گوتی: "چالاکیی ئازادکردنی کۆتر بەڕێوەدەچێت، کە لە ئاسماندا باڵەفڕکێ دەکەن. کۆتربازان لە شارۆچکەکانی دیاربەکرەوە باڵندەکانیان دەهێنن و لە شوێنێکدا بەیەکەوە ئەو باڵندانە هەڵدەفڕێنرێن".

 

محەممەد باتماز گوتیشی: "ئامانجی چالاکییەکە بڵاوکردنەوەی کۆترە بە هەموو شوێنەکانی وڵاتدا، لەگەڵ هەڵفڕاندنی ئەو کۆترانە هیوای ئاشتی بۆ شار و وڵات دەخوازین، هاوکاریش دەبین بۆ لەنێونەچوونی جۆرە دەگمەنەکانی کۆتر لە ناوچەکەدا".

 

سەبارەت بە ژمارەی ئەو کۆترانەی، کە ئازادیان کردن. محەممەد باتماز گوتی: "لانیکەم 150-200 کەس بەشدارییانکردووە و نزیکەی 10 هەزار کۆتر بۆ ئازادکردن ئامادەکرابوون".