هونەرمەندی میللی محەممەد بامەندی گیانی لەدەستدا

 

ئەمشەو یەکشەممە، 30-07-2023 هونەرمەند هونەر بندیان بە رووداوی راگەیاند، هونەرمەندی میللی شاری هەولێر محەممەد بامەندی بە جەڵتەی دڵ گیانی لەدەستداوە.

 

هونەر بندیان گوتی، "پێش ئەوەی جەڵتە لێی بدا، شەڕ و دەمەقاڵێ درووستبووە و تەقە لە ماڵیان کراوە، ئەویش جەڵتە لێی داوە و تاوەکو گەیێندراوەتە نەخۆشخانە، کۆچی دوایی کردووە".

 

محەممەد بامەندی، یەکێک بوو لە هونەرمەندە میللییەکانی شاری هەولێر و زیاتر وەکو بەندبێژ و قسەخۆش لە تۆڕەکۆمەڵایەتییەکان ناوبانگی دەرکردبوو.