هۆکارەکانی دواکەوتنی سووڕی مانگانە
رووداو- هەولێر
بۆ زۆربەی خانمان دواکەوتنی سووڕی مانگانە زۆر هەستبڕە، بەتایبەت ئەگەر خانمەکە خۆی پێشتر سووڕی مانگانەی رێک بووبێت و ئێستا لەناکاو تووشی ئەم حاڵەتە بووبێت.
هەندێکجار دواکەوتنی سووڕی مانگانە، بۆ ژنان دڵخۆشکەرە و هۆکارەکەی دووگیانییەکی چاوەڕوانکراو یان نەکراوە. بەڵام هەندێكجار گرفتەکەی جیاوازە و رەنگە هۆکارێكی تەندروستی لەدواوە بێت.
لە بڵاوترین هۆکارەکانی بریتین لە:
1- گووشاری دەروونی:
گووشاری دەروونی و دڵەڕاوکێی رۆژانەی درێژخایەن، هۆکارە بۆ تێکچوونی سووڕی مانگانە، بەجۆرێك رەنگە ببێتەهۆی دواکەوتن، پێشخستن، کەمخایەن و درێژخایەندنی سووری مانگانە، هەروەها هەندێکجار دەبێتەهۆی ئازاری سووڕی مانگانە، بۆیە باشترین چارەسەر بۆ ئەم گرفتە لەمکاتەدا بریتییە لە وەرزشکردن و خەوی ئارام، بەمەش گوشارەکە کەمدەبێتەوە و سووڕی مانگانە رێکدەکەوێتەوە.
2- پێش دەستپێکردنی تەمەنی نائومێدی
تەمەنی نائومێدی ئەو کاتە دەستپێدەکات کە خانمان لە تەمەنی 45-50 ساڵیدا سووڕی مانگانەیان بۆماوەی 12 مانگ نامێنێت و پێی دەگوترێت تەمەنی نائومێدی.
بەشێك لە خانمان بۆماوەی 5-15 ساڵ پێش تەمەنی نائومێدی سووڕی مانگانەیان ناڕێك دەبێت، کە هۆکارەکەی کەمبوونەوەی رێژەی ئیسترۆجینە لە جەستەدا.
3- دابەزینی کێش
دابەزینی کێشێکی زۆر و وەرزشی قورس دەبێتەهۆی نەمانی سووڕی مانگانە، چونکە لاوازبوونی زۆر و کەمبوونەوەی رێژەی چەورییەکان لە جەستە، هۆکارە بۆ گۆڕانی رێژەی هۆڕمۆنەکان لە جەستەدا و هەندێکجار تەنانەت سووڕی مانگانە نامێنێت و هێلکە دروستنابێت.
4- قەڵەوی
قەڵەوی هاوشێوەی دابەزاندنی کێشی زۆر دەبێتەهۆی نەمانی سووڕی مانگانە، زۆرکات قەڵەوی هۆکارەکەی هەبوونی گرفتێکی تەندروستییە، لە بڵاوترینیان فرەکیسی هێلکەدانە، کە پێویستە لەلایەن پزیشكی پسپۆڕ چارەسەربکرێت.
5- رێگەکانی پێشگیریکردن لە منداڵوون
هەندێك لە حەبەکانی رێگریکردن لە منداڵبوون، سووڕی مانگانە ناهێڵن و دوایدەخەن، چونکە ئەمانە هۆڕمۆنیان تێدایە و دەبنەهۆی نەهێشتنی هێلکەدانان، بۆیە لەم کاتەدا دەبێت بە راوێژی پزیشك حەبەکان بەکاربهێندرێن و چارەسەرەکەیشی لەدەستی پزیشكە.
6- تێکچوونی هۆڕمۆنەکان
بەرزبوونەوەی هۆڕمۆنی پرۆلاکتین کە هەندێكجار بەهۆی گرێیەکی ژێرمێشکە رژێن، یان لەدوای منداڵبوون دروستدەبێت و دەبێتەهۆی دەردانی شیر و نەمانی سووری مانگانە، بۆیە لەم کاتەدا پزیشك داوای پشکنینەکانی هۆڕمۆنی لەرێگەی خوێن دەکات و بەپێی حاڵەتەکان پزیشك بە دەرمان یان رێگەچارەی دیکە گرفتەکە بۆ ئاسایی دەگێڕێتەوە.
7- کیسی هێلکەدان
یەکێكە لە بڵاوترین گرفتەکانی خانمان بەتایبەت لە تەمەنی زایەندی و دەبێتەهۆی دواکەوتنی سووڕی مانگانە و چەندین نیشانەی دیکەشی هەن وەک دروستبوونی زیپکەی رووخسار، قەڵەوبوون، مووزی زیادەی رووخسار و قژهەڵوەرین. ئەمانە حاڵەتێكی سەلامەتن ئەگەر چارەسەر بکرێن و کۆنتڕۆڵبکرێن، بەڵام ئەگەر کەسەکە چارەسەری وەرنەگرت، ئەوا مەترسی شێرپەنجەی هێلکەدان زیاددەکەن.
8- دووگیانی
ئەمەیان هەواڵە دڵخۆشکەرەکەی بەشێك لە خانمان و پیاوانە، زۆربەی خانمان دوای بەکارهێنانی دەرمانەکانی رێگریکردن لە منداڵبوون، گوومانیان بۆ دووگیانی ناچێت، بەڵام دەبێت ئەوە بزانن کە ئەم رێگەیە 100% کاریگەری نییە و هەر ئەگەری منداڵبوون هەیە، بۆیە پێویستە پشکنینی ماڵەوە ئەنجامبدرێت بۆ پشکنینی منداڵبوون لە تەمەنی چالاکی سێکسی خانمان، یان سەردانی بنکە تەندروستییەکان بکرێت.
بۆ زۆربەی خانمان دواکەوتنی سووڕی مانگانە زۆر هەستبڕە، بەتایبەت ئەگەر خانمەکە خۆی پێشتر سووڕی مانگانەی رێک بووبێت و ئێستا لەناکاو تووشی ئەم حاڵەتە بووبێت.
هەندێکجار دواکەوتنی سووڕی مانگانە، بۆ ژنان دڵخۆشکەرە و هۆکارەکەی دووگیانییەکی چاوەڕوانکراو یان نەکراوە. بەڵام هەندێكجار گرفتەکەی جیاوازە و رەنگە هۆکارێكی تەندروستی لەدواوە بێت.
لە بڵاوترین هۆکارەکانی بریتین لە:
1- گووشاری دەروونی:
گووشاری دەروونی و دڵەڕاوکێی رۆژانەی درێژخایەن، هۆکارە بۆ تێکچوونی سووڕی مانگانە، بەجۆرێك رەنگە ببێتەهۆی دواکەوتن، پێشخستن، کەمخایەن و درێژخایەندنی سووری مانگانە، هەروەها هەندێکجار دەبێتەهۆی ئازاری سووڕی مانگانە، بۆیە باشترین چارەسەر بۆ ئەم گرفتە لەمکاتەدا بریتییە لە وەرزشکردن و خەوی ئارام، بەمەش گوشارەکە کەمدەبێتەوە و سووڕی مانگانە رێکدەکەوێتەوە.
2- پێش دەستپێکردنی تەمەنی نائومێدی
تەمەنی نائومێدی ئەو کاتە دەستپێدەکات کە خانمان لە تەمەنی 45-50 ساڵیدا سووڕی مانگانەیان بۆماوەی 12 مانگ نامێنێت و پێی دەگوترێت تەمەنی نائومێدی.
بەشێك لە خانمان بۆماوەی 5-15 ساڵ پێش تەمەنی نائومێدی سووڕی مانگانەیان ناڕێك دەبێت، کە هۆکارەکەی کەمبوونەوەی رێژەی ئیسترۆجینە لە جەستەدا.
3- دابەزینی کێش
دابەزینی کێشێکی زۆر و وەرزشی قورس دەبێتەهۆی نەمانی سووڕی مانگانە، چونکە لاوازبوونی زۆر و کەمبوونەوەی رێژەی چەورییەکان لە جەستە، هۆکارە بۆ گۆڕانی رێژەی هۆڕمۆنەکان لە جەستەدا و هەندێکجار تەنانەت سووڕی مانگانە نامێنێت و هێلکە دروستنابێت.
4- قەڵەوی
قەڵەوی هاوشێوەی دابەزاندنی کێشی زۆر دەبێتەهۆی نەمانی سووڕی مانگانە، زۆرکات قەڵەوی هۆکارەکەی هەبوونی گرفتێکی تەندروستییە، لە بڵاوترینیان فرەکیسی هێلکەدانە، کە پێویستە لەلایەن پزیشكی پسپۆڕ چارەسەربکرێت.
5- رێگەکانی پێشگیریکردن لە منداڵوون
هەندێك لە حەبەکانی رێگریکردن لە منداڵبوون، سووڕی مانگانە ناهێڵن و دوایدەخەن، چونکە ئەمانە هۆڕمۆنیان تێدایە و دەبنەهۆی نەهێشتنی هێلکەدانان، بۆیە لەم کاتەدا دەبێت بە راوێژی پزیشك حەبەکان بەکاربهێندرێن و چارەسەرەکەیشی لەدەستی پزیشكە.
6- تێکچوونی هۆڕمۆنەکان
بەرزبوونەوەی هۆڕمۆنی پرۆلاکتین کە هەندێكجار بەهۆی گرێیەکی ژێرمێشکە رژێن، یان لەدوای منداڵبوون دروستدەبێت و دەبێتەهۆی دەردانی شیر و نەمانی سووری مانگانە، بۆیە لەم کاتەدا پزیشك داوای پشکنینەکانی هۆڕمۆنی لەرێگەی خوێن دەکات و بەپێی حاڵەتەکان پزیشك بە دەرمان یان رێگەچارەی دیکە گرفتەکە بۆ ئاسایی دەگێڕێتەوە.
7- کیسی هێلکەدان
یەکێكە لە بڵاوترین گرفتەکانی خانمان بەتایبەت لە تەمەنی زایەندی و دەبێتەهۆی دواکەوتنی سووڕی مانگانە و چەندین نیشانەی دیکەشی هەن وەک دروستبوونی زیپکەی رووخسار، قەڵەوبوون، مووزی زیادەی رووخسار و قژهەڵوەرین. ئەمانە حاڵەتێكی سەلامەتن ئەگەر چارەسەر بکرێن و کۆنتڕۆڵبکرێن، بەڵام ئەگەر کەسەکە چارەسەری وەرنەگرت، ئەوا مەترسی شێرپەنجەی هێلکەدان زیاددەکەن.
8- دووگیانی
ئەمەیان هەواڵە دڵخۆشکەرەکەی بەشێك لە خانمان و پیاوانە، زۆربەی خانمان دوای بەکارهێنانی دەرمانەکانی رێگریکردن لە منداڵبوون، گوومانیان بۆ دووگیانی ناچێت، بەڵام دەبێت ئەوە بزانن کە ئەم رێگەیە 100% کاریگەری نییە و هەر ئەگەری منداڵبوون هەیە، بۆیە پێویستە پشکنینی ماڵەوە ئەنجامبدرێت بۆ پشکنینی منداڵبوون لە تەمەنی چالاکی سێکسی خانمان، یان سەردانی بنکە تەندروستییەکان بکرێت.