پزیشکیان: مەرجی کۆتاییهاتنی شەڕ قەرەبووکردنەوەی ئێران و گەرەنتیی دووبارەنەبوونەوەی جەنگە

 

شەوی چوارشەممە، 11ی ئازاری 2026، مەسعوود پزیشکیان لە هەژماری فەرمیی خۆی لە تۆڕی کۆمەڵایەتیی (X) بڵاویکردەوە؛ پەیوەندییەکی تەلەفۆنی لەگەڵ هەردوو سەرۆکی رووسیا و پاکستان ئەنجامداوە.

 

لەو پەیوەندییەدا، پزیشکیان جەختی لە پابەندیی کۆماری ئیسلامیی ئێران بە ئاشتی و ئارامیی ناوچەکە کردووەتەوە، هاوکات ئاماژەی بەوە کردووە کە شەڕەکە لەلایەن ئیسرائیل و ئەمریکاوە هەڵگیرساوە.

 

سەرۆککۆماری ئێران سێ مەرجی سەرەکی بۆ کۆتاییهێنان بەو دۆخە خستووەتەڕوو و دەڵێت؛ پێویستە دان بە مافە رەواکانی ئێران بنرێت و قەرەبووی دارایی و مەعنەوی بکرێتەوە و هێرشبەران جارێکی دیکە دەستدرێژی نەکەنەوە سەر وڵاتەکەی.