سوپای ئیسرائیل: زیاتر لە 200 ئامانجمان لە سەرتاسەری ئێران پێکاوە
رووداو دیجیتاڵ
سوپای ئیسرائیل دەڵێت، لە بەرەبەیانیی ئەمڕۆوە زیاتر لە 200 ئامانجیان لە سەرتاسەری ئێران پێکاوە.
ئێفی دفرین، گوتەبێژی سوپای ئیسرائیل کەمێک لەمەوبەر رایگەیاند: "تاوەکو ئێستا زیاتر لە 200 ئامانجمان پێکاوە و بەردەوامین لە هێرشەکانمان."
گوتەبێژەکەی سوپای ئیسرائیل ئاماژەی بەوەشکرد، سوپای وڵاتەکەی هێرشی کردوەتە سەر دامەزراوەی ئەتۆمیی نەتەنز لە پارێزگای ئیسفەهان.
ئێفی دفرین گوتی: "ئێستا دەتوانم پشتڕاستی بکەمەوە کە هێرشمان کردووەتە سەر دامەزراوە ئەتۆمییەکە لە ئەسفەهان. ئۆپەراسیۆنەکە هێشتا بەردەوامە."
دفرین کۆنفرانسە رۆژنامەڤانییەکەی تەواو نەکرد. بەرپرسێک رایگەیاند، لەبەر ئەگەری هێرشی مووشەکی ئێران.
ئەو بەرپرسە گوتی: "پەخشی راستەوخۆی گوتەکەی لیوا دفرین بەهۆی هێرشێکی چاوەڕوانکراوی ئێرانەوە بۆ سەر نێوەڕاستی ئیسرائیل پچڕا"، ئەوەش دوای ئەوەی سوپا فەرمانی بە ئیسرائیلییەکان کرد لە نزیک شوێنە پارێزراوەکان بمێننەوە و خۆیان لە کۆبوونەوە بەدووربگرن، لە کاتێکدا بەردەوامە لە هێرشکردنە سەر ئامانجەکان لە ئێران.