مەشهەد بەچڕی بۆردوومان دەکرێت

 

دەورووبەری کاژێر 21:00ـی ئەمشەو لە ناوچەی وەکیل ئاوا و قاسم ئاوا لە رۆژئاوای شاری مەشهەد 8 تەقینەوە، ناوچەی سەیدی لە باشووری رۆژهەڵاتی شارەکە 4 تەقینەوە روویانداوە.

 

هاوکات لەگەڵ ئەو تەقینەوانە باس لە بۆردوومانی چڕی ناوچەی بەرگریی ئاسمانیی  ئیمام رەزا لە مەشهەد دەکرێت، کە بنکەیەنی ستراتیژیی ئێرانە و ئەرکی سەرەکی پاراستی ئاسمانی باکووری رۆژهەڵاتی ئێرانە.

 

تاوەکو ئێستا میدیا و بەرپرسانی ئێران ئەو بۆردوومانانەیان پشتڕاست نەکردووەتەوە.