بازاڕی ماسیفرۆشانی بەسرە؛ یەکێک لە بازاڕە جەنجاڵ و جیاوازەکانی عێراق

رووداو - بەسرە

لە شاری بەسرە بازاڕێکی گەورەی ماسیفرۆشان هەیە و یەکێک لە بازاڕە جەنجاڵ و جیاوازەکانی عێراقە. لە بازاڕەکەدا رۆژانە بە قەبارەی 25 ملیۆن دینار مامەڵە بە زیاتر لە 35 جۆری ماسی و زیندەوەری دەریایی دەکرێت.

بازاڕی ماسیفرۆشانی بەسرە تاکە شوێنە لە عێراق کە رۆبیانی فرێشی تێدا بفرۆشرێت. ماسیفرۆشانی بازاڕەکە دەڵێن: بەهۆی کەمبوونەوەی سنوورە ئاوییەکانیان لە کەنداو، ئێستا راوچییەکان وەک جاران ناتوانن ماسی و زیندەوەر ئاوییەکان راوبکەن، بۆیە بەشێک لە ماسییەکان لە ئێرانەوە هاوردەدەکرێن.