رووداو كاندیدانی وەزارەتی بەرگریی و ناوخۆی عێراق بڵاودەكاتەوە
رووداو – هەولێر
پەرلەمانتارێکی دەوڵەتی یاسا ناوی دوو کەس ئاشکرا دەکات، کە باسلەوەدەکرێ بەهێزترین کاندیدن بۆ هەردوو پۆستی وەزارەتی بەرگری و ناوخۆی عێراقی.
حوسێن ئەلسافی، ئەندامی ئەنجوومەنی نوێنەرانی عێراق لە هاوپەیمانێتی دەوڵەتی یاسا، لە لێدوانێكی تایبەتدا بۆ تۆڕی میدیایی رووداو ئاشكرایكرد، كە قاسم ئەعرەجی سەر بە كوتلەی بەدر و جابر ئەلجابری لەسەر لیستی سوننەكان دوو بەهێزترین كاندیدن بۆ وەرگرتنی پۆستەكانی وەزیری ناوخۆ و بەرگریی.