عەدنان زورفی بۆ پێکهێنانی کابینەی نوێی حکومەت راسپێردرا

 

 

دوێنێ دووشەممە باس لەوە دەکرا کە عەدنان زورفی گەیشتووەتە کۆشکی سەلام لە بەغدا بۆ ئەوەی بۆ پۆستی سەرۆکوەزیرانی عێراق رابسپێردرێت.

 

عەبوود عیساوی ئاماژەی بەوە کرد، "سەرۆککۆمار داوای لە عەدنان زورفی کردووە کە بچێت بۆ کۆشکی سەلام".

 

ناسنامەی عەدنان زورفی:

 

عەدنان عەبد خزەیر عەباس مەتر زورفی

 

ساڵی 1966 لە نەجەف لە دایکبووە 

 

لە 1983 پەیوەندیی بە حزبی دەعوەی ئیسلامییەوە کردووە 

 

بەکالۆریۆسی لە کۆلیژی فقهـی زانکۆی کوفە تەواو کردووە

 

ماستەری لە زانکۆی کوفە بەدەست هێناوە

 

لە  2004-2005 پارێزگاری نەجەف بووە

 

ساڵی 2006 ئەندامی ئەنجوومەنی پارێزگای نەجەف بووە

 

لە  2006-2009 لە وەزارەتی ناوخۆ بریکاری یاریدەدەر بووە بۆ کاروباری هەواڵگری 

 

لە 2009-2015 پارێزگاری نەجەف بووە

 

ئەمینداری گشتیی بزووتنەوەی وەفای عێراقییە

 

سەرۆکی هاوپەیمانیی نەسرە لە پەرلەمانی عێراق