ئەنجوومەنی وەزیرانی تورکیا رەوشی باكووری كوردستان تاوتوێ دەكات
رووداو- ئەنقەرە
کەمال ئاڤچی، پەیامنێری رووداو لە ئەنقەرە رایگەیاند:" بڕیارە کاژێر 13:00 ی ئەمڕۆ دووشەممە، ئەنجوومەنی وەزیرانی تورکیا بەسەرۆکایەتی ئەحمەد داودئۆغڵو لە کۆشکی چانکایە کۆببێتەوە، ئامانج لە کۆبوونەوەکە تاوتوێکردن و هەڵسەنگاندنی دۆخی ئەمنی و سیاسی ناوچەکانی جزیرێ و ئامەد و ناوچەی سوورە".
هەریەک لە کۆبوونەوەکانی جنێڤ3 و دۆخی سووریا و رۆژهەڵاتی نێوەڕاست مژاری کۆبوونەوەکەی ئەمڕۆی ئەنجوومەنی وەزیرانی تورکیا دەبن. لەگەڵ ئەوەشدا ئەمڕۆ ناوەندی هەدەپە کۆبوونەوەیەکی ئاسایی ئەنجامدەدات، ئەو کۆبوونەوەیەش یەکەم کۆبوونەوە دەبێت لەدوای ئەنجامدانی کۆنگرەی پارتەکەیان لە هەفتەی رابردوودا.