ئەردۆغان لەگەڵ شاندێکی حەماس کۆبووەوە

 

کۆبوونەوەکە ئێوارەی شەممە 4-4-2026 لە نووسینگەی دۆڵمەباخچە لە ئیستەنبووڵ بەرێوەچوو و گفتوگۆ لەسەر پێشهاتەکانی ناوچەکە کرا و بەتایبەتیش غەززە تەوەری سەرەکی بوو.

 

لایەنەکان هەڵسەنگاندنیان بۆ قەیرانی ئێستا کردووە و بیروڕایان لەبارەی دوایین گۆڕانکارییەکانی ناوچەکە ئاڵوگۆڕ کردووە.

 

سەرۆکایەتیی کۆماری تورکیا جەختیکردووەتەوە کە ئەنقەرە لە پرسە ناوچەییەکاندا و بەتایبەتیش لە پرسی غەززە دا، بەردەوام رۆڵی کارا دەگێڕێت.

 

میدیای دەوڵەتی تورکیا هەواڵەکەی بڵاوکردووەتەوە، بەڵام ئاماژەی بە شاندەکەی حەماس نەداوە.