شا عەبدوڵڵا مێدالیای 'حوسێن کوڕی عەلی'ی بەخشییە ئەردۆغان

 

رێوڕەسمی بەخشینی نیشانەکە لە نووسینگەی دۆڵمەباخچەی سەرۆکایەتیی کۆمار لە ئیستەنبووڵ بەڕێوەچوو.

 

پێش ئەو رێوڕەسمە هەردوو سەرۆک و شاندەکانیان کۆبوونەوە. لە رێوڕەسمەکەدا، عەبدوڵڵای دووەم، شای ئوردن "مێدالیای حوسێن کوڕی عەلی"ی کردە ملی ئەردۆغان.

 

دوای رێوڕەسمەکە، هەردوو سەرۆک لە خوانێکدا کۆبوونەوە و دواتریش نووسینگەکەیان جێهێشت.

 

لە کۆنفرانسێکی رۆژنامەڤانیدا کە دوای کۆبوونەوەکان بەڕێوەچوو، رەجەب تەیب ئەردۆغان، سەرۆککۆماری تورکیا رایگەیاند: "لە کۆبوونەوەی ئەمڕۆمان لەگەڵ برای ئازیزم، شای ئوردن بەڕێز عەبدوڵڵا، بریاری گرنگمان لەبارەی بەهێزکردنی پەیوەندییەکانی هەردوو وڵات دەرکرد. بینیمان هاوڕاین لەوەی لە هەر مەترێک دووجای ناوچەکەماندا ئاشتی، ئارامی، ئاسایش و سەقامگیری باڵادەست بێت".