ئەردۆغان لەبارەی بوومەلەرزەکەی باڵکئەسیر: لە نزیکەوە چاودێریی دۆخەکە دەکەین

 

 

دوای ئەوەی بوومەلەرزەیەک بە گوڕی 6.1 لە ناوچەی سندرگی لە پارێزگای باڵکئەسیر روویدا، رەجەب تەیب ئەردۆغان لە تۆڕی کۆمەڵایەتیی ئێکسەوە هیوای سەلامەتیی بۆ هاووڵاتیان خواست و گوتی: "بوومەلەرزەکە لە باڵکئەسیر و چەند پارێزگایەکی دیکە هەستی پێکراوە. هەر لە سەرەتای رووداوەکەوە دام و دەزگا پەیوەندیدارەکانمان کەوتنە جووڵە و دەستبەکاربوون. ئێمەش لە نزیکەوە چاودێریی دۆخەکە دەکەین. خوا وڵاتەکەمان لە هەموو جۆرە کارەساتێک بپارێزێت".

 

بەگوێرەی سەرۆکایەتیی بەڕێوەبردنی کارەسات و باری لەناکاو لە تورکیا (ئافاد) بوومەلەرزەکە کاژێر 7:53ی ئێوارەی ئەمڕۆ یەکشەممە روویدا. ناوچەی سندرگی لە پارێزگای باڵکئەسیر چەقی بوومەلەرزەکە بوو.  

 

سەرکان ساک، سەرۆکی شارەوانیی سندرگی رایگەیاند، 10 باڵەخانە لە سنوورەکەیدا رووخاوە و خەڵک کەوتوونەتە ژێر دارو پەردوو.

 

بوومەلەرزەکە لە ئیستەنبووڵ، ئیزمیر، بورسە، ئایدن، یەڵۆڤا، ئێسکیشەهیر و ئەنقەرە هەستی پێکراوە.