لە تورکیا نرخی بەنزین و گازوایل بەرزدەبێتەوە

 

 

سبەی دووشەممە 15ـی ئابی 2022، لە تورکیا و باکووری کوردستان نرخی گازوایل بەرزدەبێتەوە و یەک لیتر گازوایل یەک لیرە و 26 قروشی دەچێتەسەر. 

 

دوای بەرزبوونەوەی نرخی نەوت لە چەند رۆژی رابردوودا، شەوی شەممە 13ـی ئاب لیترێک بەنزین یەک لیرە و 10 قرووشی خرایەسەر و لە رۆژی دووشەممەوە نرخی گازوایلیش بەرزدەکرێتەوە.

 

ئەمڕۆ لە ئیستەنبووڵ یەک لیتر گازوایل بە 23.23 لیرە و یەک لیتر بەنزین بە 21.06 لیرە دەفرۆشرێت. 

 

لە ئەنقەرە یەک لیتر گازوایل بە 23.26 لیرە و یەک لیتر بەنزین بە 21.31 لیرە دەفرۆشرێت، هەروەها یەک لیتر گازوایل لە ئیزمیر بە 23.37 لیرە و یەک لیتر بەنزینیش بە 21.29 لیرە دەفرۆشرێت. 

 

نرخەکانی سووتەمەنی بەگوێرەی پارێزگا، شارۆچکە و ناوچەکان دەگۆڕێت.