ئەردۆغان: سری سورەییا ئۆندەر لە دەستی سەلامەتدایە

سری سورەییا ئۆندەر، بریکاری سەرۆکی پەرلەمانی تورکیا و پەرلەمانتاری دەم پارتی ئەندامی شاندی ئیمرالی، کاژێر 11:00ـی شەوی رابردوو بەهۆی جەڵتەی دڵەوە گەیێندرایە نەخۆشخانەیەکی ئیستەنبووڵ و نەشتەرگەری بۆ کرا. 

 

نەشتەرگەرییەکە 12 کاژێری خایاند.

 

ئەردۆغان ئەمڕۆ چوارشەممه، 16ـی نیسان لەڕێگەی تەلەفۆنەوە پەیوەندی بە پەروین بوڵدان، پەرلەمانتاری دەم پارتی و ئەندامی شاندی ئیمراڵییەوە کرد و هیوای باشبوونەوەی بۆ خواست.

 

بوڵدان گوتی، ئەردۆغان لە پەیوەندییە تەلەفۆنییەکەدا پێی گوتووە: "ئەو تیمەی نەشتەرگەرییەکەی بۆ سری سورەییا ئۆندەر کردووە، باشترین پزیشکەکانی تورکیا لەخۆدەگرێت و لە دەستێکی سەلامەتدایە".