فێستڤاڵی خواردنی کولتووریی ئامەد لە ئیستەنبووڵ دەکرێتەوە

 

"فێستیڤاڵی تام و چێژی ئامەد" لە ئیستەنبووڵ رۆژی 21ی کانوونی یەکەم دەستپێدەکات و چوار رۆژ دەخایەنێت.

 

کۆمەڵەی کولتوور و هاوکاریی بسمیلی ئامەد ئەو فێستڤاڵەی رێکخستووە و رۆژانی 21،22،23 و 24ی مانگ لە بازاڕی داخراوی باربارۆس لە ناوچەی ئاتاشەهیری ئیستەنبووڵ پێشوازی لە سەردانیکاران دەکرێت.

 

لە فێستڤاڵەکەدا خواردنە نەریتییەکانی ئامەد، بەرهەمە خۆماڵی و کولتوورییەکان پێشکێشی سەردانیکاران دەکرێن.

 

لە چوارچێوەی چالاکییەکەدا رۆژانە شایی و هەڵپەڕکێی تایبەت بە ئامەدیش پێشکێش دەکرێ.

 

هەروەها یەکێک لە چالاکییەکانی فێستیڤاڵەکە، دابەشکردنی یەک تۆن دۆشاوە کە بڕیارە رۆژی دووشەممە 22ی کانوونی یەکەم لەلایەن ستافێکی تایبەتەوە جیبەجێ بکرێت.