دەم پارتی بۆ هەڵسەنگاندنی دوایین پێشهاتەکانی پرۆسەی ئاشتی كۆبووەوە

 

کۆبوونەوەکە ئەمڕۆ سێشمەممە 23ـی ئەیلوولی 2025 لە ئەنقەرە بە سەرۆکایەتیی تونجەر باکرهان و تولای هاتیمئۆغوڵڵاری هاوسەرۆکانی دەم پارتی دەستیپێکرد. 

 

لە کۆبوونەوەکەدا پێشهاتەکانی پرۆسەی چەکدانان و خۆهەڵوەشاندنەوەی پەکەکە، ئەو قۆناخەی پێیگەیشتووە و کەموکوڕییەکان هەڵدەسەنگێندرێن.

 

هەروەها بابەتێکی گرنگی کۆبوونەوەکە، سەردانی شاندی ئیمراڵی و هاوسەرۆکانی دەم پارتییە بۆ دوورگەی ئیمراڵی کە پێشتر راگەیێندرابوو.

 

هاوکات کار و چالاکییەکانی لیژنەی پاڵپشتیی نیشتمانی، برایەتی و دیموکراسی کە لە چوارچێوەی پرۆسەی چارەسەری لە پەرلەمانی تورکیا پێکهێندراوە، گفتوگۆیان لەبارەوە دەکرێت کە دوای تەواوبوونی گوێگرتن، پێشنیازی هەموارکردنەوەی یاساکان دەکرێت.